Zelensky kërkoi bisedime, Kremlini Zyrtar: Ne u përgatitëm për takim në Misk, Kievi kërkoi takim në Varshavë dhe më pas preu linjën e kontakteve

Zëdhënësi i Kremlinit Dmitry Peskov tha se pas kërkesës së presidentit të Ukrainës Zelensky për bisedime me Putin për t'i dhënë fund luftës, Kievi zyrtar ka hequr dorë. Ky është pretendim i Rusisë ku thuhet se Moska këkroi takim në Minsk, ndërsa pala ukrainase ishte kundërpërgjigjur me një propozim për t'u takuar në Varshavë dhe më pas kishte hequr dorë nga kontaktet.

"Putin telefonoi menjëherë Presidentin (Alexander) Lukashenko dhe ranë dakord që pala bjelloruse dhe presidenti do të bënin gjithçka për të organizuar sa më mirë ardhjen e delegacioneve dhe për të garantuar sigurinë e tyre - ky element është gjithashtu i rëndësishëm tani - dhe kushtet për zhvillimin e këtyre negociatave drejtpërdrejt." tha Peskov

"Pala ruse menjëherë, në emër të presidentit, formoi një delegacion të përfaqësuesve të Ministrisë së Mbrojtjes së Rusisë, Ministrisë së Punëve të Jashtme dhe Administratës Presidenciale. Të gjitha këto informacione u sollën në vëmendjen e ukrainasve," tha ai.

Peskov shtoi: "Pas një pauze të shkurtër, ukrainasit thanë se ukrainasit donin të shkonin në Varshavë. Dhe pas kësaj ata bënë një pauzë dhe u larguan nga lidhja."

Përpara komenteve të Peskov, këshilltari presidencial ukrainas Oleksiy Arestovych i tha CNN të premten se qeveria ukrainase "po shqyrton propozimin".

Lajmi kryesor:

Lufta në Ukrainë/ Zelensky: Gati për armëpushim! SHBA: Diplomacia e pamundur nën tytën e armës, Rusia të tërheqë trupat! NATO: 'Oreksi' i Putin nuk ndalet në Ukrainë

TAG:
• ukraina
• rusia
• konflikti rusi-ukraine
• rusia sulmon ukrainen
• kiev
• raketa balistike