POP 5

Lajmet më të lexuara të 5 minutave të fundit

Bota

Zelensky: Kundërsulmi rus në Kursk ka dështuar! Kthen 49 të burgosur lufte nga Rusia

Zelensky tha se Moska synon të vendosë deri në 70 000 ushtarë në rajon, i cili u sulmua nga Ukraina muajin e kaluar në një ofensivë të befasishme.

Zelensky: Kundërsulmi rus në Kursk ka dështuar! Kthen 49 të burgosur lufte nga Rusia

Volodymyr Zelensky

Presidenti Volodymyr Zelensky ka njoftuar lirimin e 49 ukrainasve nga Rusia, në një shkëmbim të burgosurish mes dy vendeve.

“Një kthim tjetër i njerëzve tanë, një objektiv i përhershëm i yni për të cilin ne punojmë pa pushim për ta realizuar. Duhet t’i sjellim në shtëpi të gjithë njerëzit tanë, ushtarë e civilë”, shkroi Zelenskyy në rrjetin social X.

Shkëmbimi u mundësua me ndërmjetësimin e Emirateve të Bashkuara Arabe, tha një zëdhënës i agjencisë ushtarake të zbulimit të Ukrainës. Ukraina nuk njoftoi se sa shtetas rusë janë liruar, ndërsa Moska ende nuk ka komentuar për këtë shkëmbim.

Ndërkohë Presidenti ukrainas deklaroi se kundërsulmi i Rusisë në rajonin e saj jugperëndimor të Kurskut ka bërë pak përparime.

“Ata donin të depërtonin atje shpejt. […] Ne nuk kemi parë ndonjë sukses serioz deri më tani”, tha Zelensky në Kiev.

Zelensky tha se Moska synon të vendosë deri në 70 000 ushtarë në rajon, i cili u sulmua nga Ukraina muajin e kaluar në një ofensivë të befasishme.

Rreth 40 000 trupa ruse janë tashmë në zonë.

”Ushtria jonë po qëndron heroikisht”, tha Zelensky.

Zelensky tha se ishte i kënaqur me rezultatet e operacionit të deritanishëm.

”Armiku është ndalur në rajonin e Kharkiv dhe avancimi i tyre në rajonin e Donetskut është ngadalësuar”, tha ai duke argumentuar se Rusia ishte detyruar të largonte trupat nga ofensivat e saj në Ukrainën veriore dhe lindore për të mbrojtur territorin e saj në Kursk.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Primaret e munguara të PD-së, Ben Andoni: Duheshin bërë që në dhjetor! Regjistrimi i Diasporës? Fluksi deri tani prej militantëve të partive

Primaret e munguara të PD-së, Ben Andoni: Duheshin bërë që në dhjetor! Regjistrimi i Diasporës? Fluksi deri tani prej militantëve të partive

15 Janar, 13:56