Zemra mund të riparojë veten
edhe pas infarktit

Zemra e dëmtuar mund të riparojë veten, në sajë të një molekule që nxit qelizat për rigjenerimin e indeve të reja kardiake.
Kjo molekulë shërben për të prodhuar një faktor rritës që stimulon rigjenerimin kardiak.

Fillimisht e injektuar në minj që kishin pësuar një infarkt kjo "recetë për të shpëtuar zemra" u konceptua nga grupi i Kenneth Chien i Institutit Karolinska në Stokholm dhe u botua në revistën Nature.
Vetëm një injeksion i kësaj molekule mund të prodhojë sasinë e duhur të faktorit rritës së indeve vaskulare.
Brenda një kohe shumë të shkurtër fillon procesi i formimit të qelizave të reja të zemrës.

"Hulumtimi sugjeron se mund të jetë e mundur për të krijuar pjesë të reja të zemrës pa injektimin e qelizave embrionale të reja", shpjegon autori i parë i hulumtimit, Kenneth Chien.

Studimi është bazuar në punën e mëparshme, botuar në Cell Research, i cili i kishte treguar se VEGF-A është në gjendje për të kthyer qelizat kardiake.

Në studimin e ri, në sajë të teknologjisë shkencëtarët kanë qenë në gjendje për të injektuar molekulën direkt në qelizat e muskujve të zemrës.
Nga injektimi tek minjtë u arrit në përfundimin se aplikimi brenda 48 orësh nga sulmi në zemër arrin një efekt terapeutik me afat të gjatë.


Redaksia Online
(Jetona Koçibelli/Shqiptarja.com)