Zëvendësimi i Vitore Tushës në Kushtetuese, Gjykata e Lartë në mbledhje të posaçme më 16 janar! Ka vetëm dy kandidatura

Zëvendësimi i Vitore Tushës në Kushtetuese, Gjykata e Lartë në mbledhje të posaçme më 16 janar! Ka vetëm dy kandidatura

Vitore Tusha

Gjykata Kushtetuese pritet të plotësohet për herë të parë me të gjithë kandidatët e saj që prej nisjes së procesit të vettingut. Me zëvendësimin e Vitore Tushës, kryetares në detyrë të Kushtetueses i ka mbaruar mandati që prej vitit 2017, të gjithë anëtarët do të kenë tashmë një mandat të plotë për herë të parë pas miratimit të reformës në drejtësi.

Gjykata e Lartë ka njoftuar sot se mbledhjen e Posaçme për zëvendësimin e Vitore Tushës do ta zhvilloje të hënën e 16 janarit ora 9:30.

“Zëvendëskryetari i Gjykatës së Lartë, z. Sokol Sadushi, në zbatim të detyrimeve ligjore që burojnë nga pika 3 e nenit 7/ç të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë” (i ndryshuar), nenit 4 të Rregullores së Mbledhjes së Posaçme të gjyqtarëve të Gjykatës së Lartë për zgjedhjen e anëtarit të Gjykatës Kushtetuese, si dhe të nenit 26, pika 2 të ligjit nr. 98/2018 “Për organizimin e pushtetit gjyqësor në Republikën e Shqipërisë”, ka vendosur thirrjen e Mbledhjes së Posaçme të gjyqtarëve të Gjykatës së Lartë, për të zgjedhur anëtarin e Gjykatës Kushtetuese, ditën e hënë, datë 16.01.2023, ora 09.30”, thuhet në njoftimin e Gjykatës së Lartë.

Dy kandidatët për në Kushtetuese janë Elsa Miha dhe Holta Zaçaj. Fakti që janë vetëm dy kandidatë krijon një ngërç pasi duhen 3 të tillë për të plotësuar kriteret ligjore dhe kushtetuese që Mbledhja e Posaccme e Gjykatës së Lartë të mund të votojë. Kjo është hera e pestë që rihapet thirrja për kandidatët dhe kanë munguar aplikimet pasi shumë pak plotësojnë kriteret. Kjo mund të sjellë një marrje vesh të gjyqtarëve për të zgjidhur ngërçin dhe për të votuar vetëm për dy kandidatet. 

Kujtojmë se Ish-kryetari i KLP-së, Gent Ibrahimi nisi punën zyrtarisht si anëtari i 9-të i Gjykatës Kushtetuese pak javë më parë. Ibrahimi u dekretua nga Begaj më 7 dhjetor, ndërsa e merr këtë detyrë për të plotësuar vakancën e krijuar pas mbarimit të mandatit të gjyqtarit Përparim Kalo.

Pas mungesave të krijuara nga procesi i vettingut, Gjykata Kushtetuese e nisi punën në dhjetor 2020, pasi u plotësua kuorumi me 7 anëtarë. Aktualisht, me shtimin e Ibrahimit në radhët e saj, ajo ka në përbërje 9 anëtarë. Gjykata e Lartë propozon dhe ka te drejtë emërimi për 3 anëtarë të Gjykatës Kushtetuese, nga 9 që ka gjithsej ajo. 3 përzgjidhen nga presidenti dhe 3 të tjerët nga Parlamenti.

Procedura e zgjedhjes nga Gjykata e Lartë të tre anëtarëve të Gjykatës Kushtetuese

1. Kryetari i Gjykatës Kushtetuese, sipas këtij ligji, njofton për vendin vakant Kryetarin e Gjykatës së Lartë, i cili shpall në mjetet e informimit publik dhe në faqen zyrtare të internetit hapjen e procedurës së aplikimit. Kryetari i Gjykatës së Lartë pranon kandidaturat brenda 30 ditëve nga njoftimi, i bën ato publike dhe ia dërgon Këshillit të Emërimeve në Drejtësi. Institucionet publike që kanë lidhje me sistemin e drejtësisë, organizata të shoqërisë civile me veprimtari në mbrojtjen e të drejtave të njeriut ose të krijuara për mbrojtjen e interesave të përdoruesve të sistemit të drejtësisë mund të paraqesin opinionet e tyre në lidhje me kandidaturat pranë Këshillit të Emërimeve në Drejtësi

2. Këshilli i Emërimeve në Drejtësi, pas vlerësimit të kushteve dhe kritereve të emërimit, brenda 10 ditëve rendit kandidatët dhe i paraqet Kryetarit të Gjykatës së Lartë raportin e miratuar me shumicën e të gjithë anëtarëve, bashkë me listën dhe dokumentacionin shoqërues, për çdo kandidat. Raporti i arsyetuar, pasi miratohet me shumicën e votave të të gjithë anëtarëve të Këshillit të Emërimeve në Drejtësi, publikohet.

3. Kryetari i Gjykatës së Lartë thërret mbledhjen e posaçme të gjyqtarëve të Gjykatës së Lartë. Mbledhja është e vlefshme nëse marrin pjesë jo më pak se tre të katërtat e të gjithë gjyqtarëve të Gjykatës së Lartë. Lista me kandidatët u bëhet e njohur më parë të gjithë pjesëmarrësve në mbledhje.

4. Për çdo vend vakant votohet për secilin nga kandidatët e renditur në tre vendet e para të listës. Kandidati që merr tri të pestat e votave të gjyqtarëve të pranishëm shpallet i zgjedhur. Nëse nuk arrihet shumica e nevojshme, kandidati i renditur i pari nga Këshilli i Emërimeve në Drejtësi konsiderohet i zgjedhur.

5. Emri i gjyqtarit të zgjedhur i njoftohet menjëherë Kryetarit të Kuvendit, Presidentit të Republikës dhe Kryetarit të Gjykatës Kushtetuese.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Hajduti: 06/01/2023 15:05

    obobo Olta Kotherja (Zace) rujna zot nga mediokriteti, ligesia dhe korrupsioni

    Përgjigju
  • Sondazhi i ditës:

    Rithemelimi propozon rikthimin e koalicioneve të vjetra, a jeni dakord?



×

Lajmi i fundit

Minxhozi: Mos gërmoni, këtu s’ka asnjë thesar!

Minxhozi: Mos gërmoni, këtu s’ka asnjë thesar!