POP 5

Lajmet më të lexuara të 5 minutave të fundit

Bota

Zgjatet vendimi i administratës së Trump për emigrantët e paligjshëm në SHBA! Federalët mund t'i deportojnë direkt

Emigracioni i paligjshëm në Amerikë është temë e nxehtë për të dyja palët politike, por ajo që i dallon është qasja për të rregulluar sistemin. Republikanët janë më të ashpër në këtë pikë, teksa së fundmi edhe Gjykata e Lartë i ka dhënë të drejtë në një politikë të administratës Trump, e kundërshtuar që në fillim nga demokratët

Çështja e emigracionit të paligjshëm drejt Amerikës është temë e nxehtë edhe për administratën Biden, siç ishte më herët edhe për atë Trump.

Emigracioni i paligjshëm nga Meksika drejt Amerikës ishte kalë beteje në fushatën e kaluar të Trumpit dhe pati debate të forta për masat e ndërmarra prej tij dhe retorikën e fortë se bashkë me emigrantët vjen krimi dhe papunësia për amerikanët.

Shumë vendime të administratës së mëparshme Trump janë kundërshtuar nga demokratët duke i goditur ato në gjykatat federale apo gjykatën e Lartë.

Së fundmi, për këtë temë që i ndan palët politike në Amerikë se si duhet të jenë politikat migratore, Gjykata e Lartë vendosi të martën se vendimi i administratës Trump gjatë pandemisë për të kthyer mbrapsht emigrantët do të mbetet në fuqi.

Ky vendim i kundërshtuar kategorikisht nga demokratët, lejon zyrtarët federalë që të deportojnë emigrantët pa dokumente që kërkojnë të hyjnë në Amerikë.

Gjykata e Lartë zgjati përkohësisht masën e diskutueshme të ndërmarrë nga republikanët duke votuar 5 me 4 në favor të lënies në fuqi, ndërsa ranë dakord të dëgjojë argumentet verbale në shkurt nga shtetet e udhëhequra nga republikanët.

Kjo masë lejonte oficerët Kufitarë të dëbojnë emigrantët në kufirin me Meksikën me arsyetimin se ata mund të sillnin Covid-19 në SHBA. Sipas kritikëve ky mekanizëm u përdor si mjet për menaxhimin më të gjerë të emigracionit, jo si masë e thjeshtë e shëndetit publik.

Të dyja palët e pranojnë se ka probleme të rënda me sistemin e emigracionit në Amerikë, por ndahen në masat që duhen ndërmarrë për ta luftuar dhe ligjëruar atë.

M.Q./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Në pranga shoferi i droguar në Vorë, bllokoi rrugën me makinë dhe kërcënoi efektivët

Në pranga shoferi i droguar në Vorë, bllokoi rrugën me makinë dhe kërcënoi efektivët

11 Janar, 13:56