Të dielën, Kisha Ortodokse Autoqefale e Shqipërisë do të ketë kryepeshkopin e ri.
Sinodi i Shenjtë do të mblidhet më 16 mars, që korrespondon me të dielën e dytë të Kreshmës për të zgjedhur Kryepeshkopin e ri të Tiranës, Durrësit dhe gjithë Shqipërisë, i cili do të pasojë Kryepeshkopin e ndjerë Anastasin.
Sinodi i Shenjtë i Kishës do të mblidhet pas Liturgjisë Hyjnore të së dielës, ku besimtarët do të luten që anëtarët e sinodit të kenë ndriçimin të votojnë njeriun e duhur. Pasi sinodi të zgjedhë, Kryepeshkopi i ri do të hyjë në Katedrale ku siç mësohet do të japë edhe një mesazh publik. Me shpalljen e emrit të Kryepeshkopit të ri, bien kambanat në të gjitha katedralet dhe kishat e Shqipërisë.
Kryepeshkopi Anastas prehet në Shqipëri në katedralen ortodokse, dhe la me testament se dëshira e tij ishte zgjedhja në krye të Kishës e një kleriku shqiptar.
5 nga 7 anëtarët e Sinodit të Shenjtë janë shqiptarë. Në Mitropolinë e Korçës, Hirësia e tij Joani; në Mitropolinë e Beratit, Vlorës dhe Kaninës, Hirësia e tij Asti; në Mitropolinë e Apolonisë dhe Fierit, Hirësia e tij Nikolla; në Mitropolinë e Elbasanit, Hirësia e tij Andoni dhe episkopi i Krujës, Hirësia e tij Anastasi.
Anëtarët e tjerë të Sinodit janë mitropolitët e Amantias dhe Gjirokastrës, Nathanaili dhe Dhimitri, që janë shtetas grekë, por që nuk mund të jenë në krye të Kishës për shkak se nuk plotësojnë kriterin e kombësisë shqiptare sipas Statutit të miratuar në vitin 2006.
7 anëtarët e Sinodit do të votojnë të dielën për njërin prej mitropolitëve shqiptarë, ku emri më i përfolur është ai i kryepriftit më të vjetër, Hirësi Joanit të Korçës, i cili menjëherë pas vdekjes së ish kryepeshkopit Anastas u zgjodh përkohësisht në krye të Kishës.
Kryepeshkopi Anastas Janullatos u nda nga jeta në moshën 95-vjeçare më 25 janar në Athinë. Ai udhëhoqi Kishën për më shumë se tri dekada dhe ringriti kishën e shkatërruar nga ateizmi.
Komente
Lajme të tjera
-
‘S’ka tym të bardhë’, por kambanat ranë në gjithë vendin! Teologu shpjegon për Report Tv si u zgjodh kryepeshkopi i ri i Kishës Ortodokse
16 Mars, 13:03 -
Lutja bashkon njerëzimin, lum kush ringjall Lutjen... në Shqip
16 Mars, 12:50
-
Fortlumturi Joani zgjidhet drejtuesi i Kishës Ortodokse: Detyrën do ta zbatoj me devotshmëri! Qindra besimtarë marrin bekimin
16 Mars, 07:50 -
Zgjedhja e pasuesit të Kryepeshkopit Anastas, Sinodi i Shenjtë mblidhet më 16 mars
13 Mars, 13:08 -
Michel Tarran: Kryepeshkopi Anastas i Shqipërisë, një artizan i palodhur i ngjalljes së kishës
5 Mars, 15:37
-
E plotë/ Testamenti i Kryepiskopit të Tiranës, Durrësit dhe gjithë Shqipërisë, Anastasit ( Janullatos )
1 Mars, 20:00 -
Hapet testamenti i kryepeshkopit Anastas: Pasuria ime i përket Kishës së Shqipërisë! Amaneti: Përfundoni katedralen! Fal ata që me intriga ma bënë udhëtimin e vështirë
1 Mars, 14:38 -
Kur mungon dashuria… burra e gra veshin uniforma "SS"
14 Shkurt, 10:47
-
Ilir Yzeiri: E shkuara dhe tradita
31 Janar, 11:53
-
Lamtumira e Anastasit/ Dy kryeministrat takim 'kokë më kokë' pas ceremonisë, Rama: Jemi miq, gjithçka është në rregull! Mitsotakis: Çdo problem duhet ta zgjidhim me dialog (VIDEO)
30 Janar, 19:58 -
Ceremonia për Kryepeshkopin Anastas/ Marin Suli: Ishte fat që jetuam në kohën e tij! La pas një pasuri shpirtërore! Na mësoi pranimin e tjetrit siç është
30 Janar, 19:28 -
Kreshnik Spahiu: Mos bindja civile dhe qeveria teknike “helene”
30 Janar, 19:22
