POP 5

Lajmet më të lexuara të 5 minutave të fundit

Politikë

Zgjedhjet, Berisha 4 vite më parë:
Nuk na duhet votimi elektronik

Sekretari i Përgjithshëm i OSBE më ka thënë që keni sistemin më të saktë në numërim. Shqiptarët votojnë. Ka një votim familjar, duhet ta luftojmë atë, por këtë e kanë edhe vendet e zhvilluara”, u shpreh atëherë Berisha.
Partia Demokratike ka deklaruar se nuk mund të ketë zgjedhje në 18 Qershor pa votim elektronik. Ndërsa partnerët ndërkombëtarë dhe OSBE/ODHIR janë shprehur qartë kundër kësaj mënyre votimi, të cilësuar si të parealizueshme teknikisht në më pak se pesë muaj që kanë mbetur deri në votime, duket se partia e drejtuar nga Lulzim Basha është e vendosur të krijojë një tymnajë, teksa përgatit alibinë e saj për humbjen e pritshme zgjedhore.

Pikësëpari, kundërshtari më i madh i votimit elektronik është Sali Berisha. Katër vite më parë, Sali Berisha u pozicionua kundër votimit elektronik, ndërsa firmosi anulimin total të projektit pilot që do të gjente zbatim në Tiranë dhe në Fier. “Shqiptarët duhet të jenë krenarë me sistemin e numërimit që kanë.

Sekretari i Përgjithshëm i OSBE më ka thënë që keni sistemin më të saktë në numërim. Shqiptarët votojnë. Ka një votim familjar, duhet ta luftojmë atë, por këtë e kanë edhe vendet e zhvilluara”, u shpreh atëherë Berisha.

Po ashtu, Berisha ka renditur edhe disa argumente kundër votimit elektronik. “Na doli që në Londër, në kryeqytetin e teknologjisë dhe financave, dhe me një klimë më të freskët se Shqipëria, doli që numërimi pati probleme serioze. Dy probleme: mbingarkesë dhe bllokim i makinave dhe ndërprerje e energjisë elektrike. Por londinezët janë londinezë, ata e kapërcyen, por në Shqipëri nuk kapërcehet dot.

Unë ia kisha bërë të qartë ekipit tonë, u kisha thënë ta pranonin, por ODIHR do siguri maksimale në zgjedhje, o mosaplikimin e metodave të përjashtimit,”, shprehej Berisha në 14 Maj të 2012, duke mbështetur ODHIR ndërkohë që sot ju del kundër. Ndërkaq eksperimenti për votimin elektronik kushtoi 4 milionë euro, para të cilat nuk u morën kurrë të plota nga kompania spanjolle dhe pas zgjedhjeve, u hodhën dyshime serioze se e gjithë kjo shumë kishte shkuar për të sponsorizuar fushatën zgjedhore të Partisë Demokratike.

Aq të vërteta ishin këto akuza sa që Kontrolli i Lartë i Shtetit nisi një hetim ndaj ish-kryetares së KQZ, Lefterie Luzit, për zhdukjen e 2,6 milionë eurove. Pak muaj pas zgjedhjeve, u publikuan tre fatura që tregonin se paratë që duhet të merrte kompania spanjolle INDRA, për projektet e dështuara të teknologjisë në votime, përfundonin në një kompani nënkontraktore, në pronësi të këshilltarit të ish-kryeministrit për teknologjinë.
 

dy.b/shqiptraja.com

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03