POP 5

Lajmet më të lexuara të 5 minutave të fundit

Ekonomi

Zgjedhjet greke, tregjet
botërore ende ”nuk binden"

Bursat e gjithë botës, si dhe euro, kanë marrë frymë lirisht ditën e hënë, menjëherë pas konfirmimit të fitores së forcave politike pro-euro në Greqi.
Zgjedhjet greke, tregjet <br />botërore ende ”nuk binden"
 Bursat e gjithë botës, si dhe euro, kanë marrë frymë lirisht fillimisht ditën e hënë, menjëherë pas konfirmimit të fitores së forcave politike pro-euro në Greqi, por euforia u shua shumë shpejt. Që prej një muaji, nuk ishin vënë re shenja të tilla pozitive, si për shitblerjen e aksioneve, ashtu edhe valutën e përbashkët evropiane. “Situata globale ka ndryshuar tanimë dhe perspektiva e një ‘Dhrahmageddon-i’ është eliminuar,” tha Fumiyuki Nakanishi, menaxher i përgjithshëm i investimeve dhe kërkimit në SMBC Friend Securities të Tokio-s.
Megjithatë, bursa e Milanos “rrëshqiti” në minus 2%, ndërkohë që ka ende dyshime në se do të jetë e mundur të krijohet në Athinë një qeveri koalicioni jetëgjatë. Disa burime venë në dukje se fati i eurozonës tashmë duhet të vendoset në Spanjë, pika e dobët tjetër e Europës.

Takimi i G-20
Rezultati i votës në Greqi, që ka hyrë tashmë në vitin e 5-të të krizës, forcoi bindjen se ky vend dëshiron të vazhdojë të qendrojë në eurozonë. Ministrat e Financave të 20 vendeve që vendosin fatet e ekonomisë së globit, të mbledhur në meksikë, hërtuan dje një komunikatë të përbashkët, ku theksohej se monitoruesit ndërkombëtarë do të rikthehen në Athinë menjëherë pas krijimit të një qeverie të re në vend, për të shkëmbyer mendime lidhur me zgjidhjen e krizës në periudhën vijuese.
Në këtë takim marrin pjesë edhe presidentët apo kryeministrat e këtyre 20 vendeve, ku veç atyre të zhvilluara marrin pjesë edhe Kina, India, Brazili, Rusia dhe Afrika e Jugut, vende emergjente, pesha e të cilëve po ndihet gjithnjë e më shumë në ekonominë globale. Ata do të vendosin në se do të jepet OK për një fond prej 430 miliërdë dollarësh si “barrierë” për të penguar përhapjen e krizës në vende të tjera, nga ato të prekura tashmë. Ky fond do të administrohej nga Fondi Monetar Ndërkombëtar.
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Namir Lapardhaja: Zgjedhja e drejtuesit të SPAK nga populli, hapi i nevojshëm për pavarësinë e vërtetë të drejtësisë

Namir Lapardhaja: Zgjedhja e drejtuesit të SPAK nga populli, hapi i nevojshëm për pavarësinë e vërtetë të drejtësisë

25 Nëntor, 10:25 nga Namir Lapardhaja