POP 5

Lajmet më të lexuara të 5 minutave të fundit

Politikë

Zgjedhjet në 6 bashki, emërohen sekretarët dhe anëtarët e KZAZ-ve

Në kuadër të organizimit të zgjedhjeve të pjesshme të 6 marsit në 6 bashki të vendit, KQZ  vendosi në seancën e sotme të përcaktojë shpërblimin e anëtarëve të komisioneve zgjedhore dhe të miratojë materialet zgjedhore dhe formularët e dokumentacionit të punës që do të përdoren nga Komisioni i Zonave të Administrimit Zgjedhor.

Zgjedhjet në 6 bashki, emërohen sekretarët dhe anëtarët e KZAZ-ve

Ilirjan Celibashi

TIRANË- Në kuadër të organizimit të zgjedhjeve të pjesshme të 6 marsit në 6 bashki të vendit, KQZ  vendosi në seancën e sotme të përcaktojë shpërblimin e anëtarëve të komisioneve zgjedhore dhe të miratojë materialet zgjedhore dhe formularët e dokumentacionit të punës që do të përdoren nga Komisioni i Zonave të Administrimit Zgjedhor.

Kryekomisioneri Ilirjan Celibashi caktoi njësitë administrative ku do të vendosen Komisionet e Zonave të Administrimit Zgjedhor, caktoi anëtarët dhe sekretarët e KZAZ-ve të propozuara nga Partia Demokratike, Partia Socialiste e Shqipërisë dhe Lëvizja Socialiste për Integrim për zgjedhjet e pjesshme vendore në bashkitë e Kosovës. Shkodër, Dibër, Durrës, Vorë, Rrogozhinë dhe Lushnjë. Ai miratoi disa shtesa në Udhëzimin “Për përcaktimin e kritereve dhe procedurave për emërimin e ekspertëve kontabël të licencuar (revizorë ligjorë) dhe kushteve kontraktuale për auditimin e fondeve të përfituara dhe të shpenzuara nga partitë politike. gjatë vitit kalendarik dhe subjekteve zgjedhore dhe kandidatëve të tyre në fushatën zgjedhore”.

KQZ bën me dije se gjithashtu, vendosi të plotësojë vendet vakante të krijuara në këshillat bashkiakë të mëposhtëm:

Këshilli bashkiak Dibër, me kandidatin nga lista shumë anëtare e Partisë Socialiste të Shqipërisë, Besmir Fatmir Markeçi;

Këshilli bashkiak Tiranë, me kandidatin nga lista shumë anëtare e Partisë Socialiste të Shqipërisë, Ramazan Halit Buci;

Këshilli bashkiak Dropull, me kandidatin nga lista shumë anëtare e Partisë Socialdemokraci Orest Filip Malo;

Këshilli bashkiak Lezhë, me kandidaten nga lista shumë anëtare e Partisë së Unitetit Kombëtar,  Armanda Hil Ndoka;

Këshilli bashkiak Fier, me kandidat nga lista shumë anëtare e Partisë Socialiste të Shqipërisë Flavjo Lelo Gjonaj;

Këshilli bashkiak Mat, me kandidaten nga lista shumë anëtare e Partisë së Reformave Demokratike të Shqipërisë znj.Arendina Qemal Gasa.

Shpërblimet për anëtarët e komisionit:

Kryetari i KZAZ-së-30 mijë lekë

Anëtari dhe sekretari i KZAZ-së-25 mijë lekë

Kryetari i KQV-së-4 mijë lekë

Anëtari dhe sekretari i KQV- 3.5 mijë lekë

Anëtari i grupit të numërimit të votave-6 mijë lekë

Presidenti Ilir Meta dekretoi 6 marsin si datën për mbajtjen e zgjedhjeve të pjesshme lokale në 6 bashki, përkatësisht në Durrës, Shkodër, Rrogozhinë, Lushnje, Vorë dhe Dibër.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

​Kosovë/ 100 eurot për fëmijë dhe pensionistë, fushatë zgjedhore apo ndihmesë?

​Kosovë/ 100 eurot për fëmijë dhe pensionistë, fushatë zgjedhore apo ndihmesë?

23 Dhjetor, 18:47