Zgjedhjet në PD, kreu i PS Lezhë uron Gjokën: Në fund të ditës, jemi banorë të një qyteti

Kryetari i ri i Bashkisë së Lezhës, Zef Gjoka dhe Paulin Marku

Kryetari i Partisë Demokratike në Bashkinë e Lezhës është zgjedhur Zef Gjoka. Në vazhdën e urimeve të partisë së tij, Gjoka ka marrë edhe urimin publik të kundërshtarit të tij politik në nivel lokal.

Kryetari i Partisë Socialiste në Lezhë, Eduard Ndreca e ka uruar kreun e ri të demokratëve për garën e fituar, duke thënë se politikanët e kanë për detyrë përcjelljen e vlerave dhe respektimin e normave njerëzore në garat që bëjnë mes tyre.

Uroj Z. Zef Gjoka për zgjedhjen e tij si kryetar i Partisë Demokratike të Bashkisë Lezhë. Respekte për Z. Paulin Marku, për frymën e mirëkuptimit ndërpartiak që përcolli në vitet që ishte në krye të PD-së Lezhë.

Drejtojmë forca të kundërta politike dhe misioni i secilit prej nesh është të fitojë forca politike që drejton, ama gjatë garës politike e në fund të saj, cilido qoftë rezultati për secilën forcë, ne nuk duhet të harrojmë se jemi banorë të një qyteti e kalimi i limiteve njerëzore nuk na bën më të fortë. Detyra jonë është të përcjellim vlera e të respektojmë normat njerëzore në garat që bëjmë mes nesh e këtë ta reflektojmë në çdo nivel partie e kudo tjetër.

Eduard Ndreca, Kryetari i Partisë Socialiste në Lezhë

Statusi i kryetarit të Partisë Socialiste në Lezhë, Eduard Ndreca, në rrjetin social "Facebook"

a.s./Shqiptarja.com
Komento

Komente

  • Erik: 02/12/2018 13:23

    Kjo duhet te jete fryma mbare kombetare. Ne fund te fundit jemi shqiptare te ketij vendi. Duhet punuar per te miren e te gjithe shqiptareve e jo t'i vihen shkopinj nen rrota per pushtet.

    Përgjigju