Zgjedhjet në PS, Rama dublon në
Gjirokastër e Vlorë Kokëdhimën

Me vendim të kryeministrit dhe kryetarit të Partisë Socialiste, Edi Rama, disa nga anëtarët e kryesisë janë deleguar në disa prej njësive vendore të vendit, për të monitoruar procesin e zgjedhjes së kryetarëve të degëve të PS-së. 

Ish deputeti socialist, Koço Kokëdhima, nuk do të jetë më koordinatori i vetëm i qarqeve Vlorë-Gjirokastër.

Kreu i selisë rozë, Edi Rama, ka vendosur që Kokëdhima në Vlorë të dublohet nga Ministrja e Mbrotjes, Mimi Kodheli, e cila do mbulojë nga afër procesin e zgjedhjes së kryetarit të PS për këtë qytet dhe njësitë e tjera vendore të qarkut.

Ndërkohë Rama ka vendosur ta dublojë Kokëdhimën edhe në qarkun e Gjirokastërës.

I përzgjedhuri i Ramës për këtë mision do të jetë Ministri i Çështjeve Vendore Bledi Çuci.

Ky i fundit do merret me monitorimin e procesit të zgjedhjes së kryetarit të degëve së PS në këto rrethe. 

Këto lëvizje erdhën në një kohë kur Gjykata Kushtetuese mori vendimin për heqjen e mandatit deputetit Koço Kokëdhima. 

Deputeti Kokëdhëma gjatë kohës që ishte koordinator për qarqet e Vlorës dhe Gjirokastrës pati përplasje të shumta me bazën por edhe me deputetët socialistë.

Redaksia Online
(F.T/shqiptarja.com)