POP 5

Lajmet më të lexuara të 5 minutave të fundit

Politikë

Zgjedhjet në Rrogozhinë, më 10 korrik nis fushata! Miratohen afatet e fleta e votimit

Fushata për zgjedhjet e 23 korrikut do të nisë këtë të hënë. Komisioni Qendror i Zgjedhjeve miratoi afatet për përsëritjen e zgjedhjeve për kryebashkiak në Rrogozhinë, ndërsa sot kryekomisioneri Celibashi miratoi edhe fletën e votimit

Më pak se dy javë kohë do të kenë Edison Memolla dhe Shkëlqim Hoxha, të ribindin qytetarët e Rrogozhinës për t’i votuar për kryebashkiakë, i pari për të mbajtur fitoren e 14 majit dhe i dyti për ta përmbysur e për t’u bërë kryebashkiaku i 8 në vend nga radhët e opozitës.

Komisioni Qendror i Zgjedhjeve vendosi që fushata e kandidatëve të nisë më 10 korrik, kohë kur do të nisin edhe takimet me qytetarët.

Sipas afateve të përcaktuara nga KQZ, komisionerët, PS e “Bashkë Fitojmë”, të vetmet që marrin pjesë në përsëritjen e zgjedhjeve do t’i dorëzojnë deri në datën 13 korrik, ndërsa anëtarët e grupeve të numërimeve të votave deri më datë 17 korrik.

“Rezultatet e sondazheve zgjedhore nuk mund të publikohen gjatë 3 ditëve të fundit para datës së zgjedhjeve, përfshirë edhe datën e zgjedhjeve deri në orën e mbylljes së votimit.”, përcakton vendimi i KQZ.

Ndërkohë kryekomisioneri Ilirjan Celibashi miratoi edhe fletën e votimit që do të përdoret në zgjedhjet e 23 korrikut në Rrogozhinë.

Zgjedhësit në Bashkinë Rrogozhinë u thirrën sërish në votime, pasi Kolegji Zgjedhor në fund të betejës ligjore të kandidatit të “Bashkë Fitojmë” Shkëlqim Hoxhës pranoi argumentimet e tij se procesi zgjedhor pati shkelje, duke shpallur të pavlefshme zgjedhjet e 14 majit e duke urdhëruar përsëritjen e tyre.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    17 Dhjetor, 08:53

    Hapet një tjetër grupkapitull me BE, a po ecet shpejt drejt integrimit?

Lajme të tjera



×

Lajmi i fundit

Itali/ Trafik kokaine dhe rekrutim i korrierëve me pagë 3 mijë euro në muaj dhe strehim, çmontohet organizata shqiptare, 8 të arrestuar

Itali/ Trafik kokaine dhe rekrutim i korrierëve me pagë 3 mijë euro në muaj dhe strehim, çmontohet organizata shqiptare, 8 të arrestuar

18 Dhjetor, 15:44