POP 5

Lajmet më të lexuara të 5 minutave të fundit

Bota

Zgjedhjet presidenciale në SHBA/ Sondazhi i New York Times: Harris në avantazh me 1 përqind

Sondazhet tregojnë një garë të fortë dhe rezultat mjaft të ngushtë midis Kamala Harris dhe Donald Trump. New York Times në sondazhin e fundit, thotë se Harris ka një avantazh me pikë më shumë ndërsa gara më e paparashikueshme pritet të jetë tek ato që njihen si 'swing states'.

Më pak se dy javë larg datës së zgjedhjeve, sondazhet tregojnë se 5 Nëntori do të jetë një garë me rezultat mjaft të ngushtë në SHBA. Sondazhi i fundit I publikuar nga New York Times tregon se diferenca midis dy kandidatëve është shumë e afërt, ndërsa pëlqimi ndaj të anketuarve nxjerr Kamala Harris në një avantazh ndoshta fare domethënës me 1 % avantazh ndaj Donald Trump në rang kombëtar.

Interesant nga sondazhet janë rezultatet për “swing states” shtetet kyçe, të cilat pritet të jenë vendimtare ne rezultatin final. Sondazhet nxjerrin fituese të zgjedhjeve Kamal Harris me 276 vota elektorale kundrejt 262 të Donald Trump. Fituesi duhet të arrijë pragun e 270 votave elektorale për tu shpallur President. 

Tek 7 shtetet “swing states” sondazhet tregojnë sesa e ngushtë është gara. Në 4 prej tyre deri më tani nuk ka një fitues ndërsa tek 3 të tjerat, Donald Trump fiton dy teksa Harris arrin të marrë 1 por në secilin rast me rezultat shumë të ngushtë. Michigan, Karolina e Veriut, Pensilvania dhe Nevada, janë 4 shtete ku Harris dhe Trump dalin në sondazh të dy me nga 48% pëlqim.

Në Wisconsin Kamala Harris udhëheq 49-48, ndërsa Trump udhëheq në Georgia 49-48 dhe në Arizona 50-48. 7 shtetet e famshme cilësohen si një hambar votash pasi të gjitha bashkë i sjellin një kandidati 93 vota elektorale drejt presidencës. Në dy javët e fundit kandidatët mendohet sipas analistëve se do ia dedikojnë fushatën njerëzve te moderuar të pavendosur dhe klasës punëtore. 

Përgatiti: Arlind Isa

Xh.K/I.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • E DREJTA: 22/10/2024 12:14

    FORCA KAMALA HARRIS...MBYTE KETE GJEL TE SHEMTUART

    Përgjigju
  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

Shenjat që kanë më shumë gjasa të fillojnë një zënkë në tryezën e festave

Shenjat që kanë më shumë gjasa të fillojnë një zënkë në tryezën e festave

27 Dhjetor, 22:58