Dita e sotme (13 maj) është afati i fundit për regjistrimin në Komisionin Qendror të zgjedhjeve të kandidatëve për kryetar bashkie si dhe kandidatëve për këshilltar bashkiak për zgjedhjet lokale të 30 qershorit. Partia Socialiste ka zyrtarizuar 61 kandidatë për bashkitë në vend.
Ndërkohë që ish-aleatët e Bashës që janë regjistruar në KQZ, Bindja Demokratike dhe të pavarurit kanë vijuar dorëzimin e dokumenteve për të garuar në zgjedhjet lokale të 30 qershorit. Sot janë regjistruar kandidatët e PS, tre kandidatë nga Bindja Demokratike, një i pavarur dhe një i koalicionit “Shpresa për ndryshim”.
Duhet theksuar që pjesa më e madhe e kandidaturave për kryebashkiakë janë dorëzuar në KZAZ, ndërsa në KQZ dorëzohen ato kandidatura bashkishë të cilat kanë më shumë se një KZAZ, që janë kryesisht bashkitë e mëdha. E ndërsa PS dhe partitë e tjerë kanë dorëzuar listën me emrat, opozita joparlamentare jo vetëm që nuk ka regjistruar asnjë kandidat, por ka deklaruar se nuk do të lejojë që zgjedhjet të kryhen pa pjesëmarrjen e tyre.
Lorenc Tosku është kandidati zyrtar i Partisë Socialiste për kryetar të Bashkisë së Peqinit. Ky është emri i fundit që nuk ishte mësuar ende mediatikisht. Ndërkohë gazetarja e Report Tv Esiona Konomi raporton se kandidati i cili është regjistruar sot në KQZ për në garën elektorale të Bashkisë së Peqinit, është Lorenc Tosku. Ndërkohë, mësohet gjithashtu edhe një emër tjetër nga kandidatët e partisë "Bindja Demokratike" të Astrit Patozit, i cili është Edmond Piroli për bashkinë në Kurbin.Bindja Demokratike mbaroi të gjtiha procedurat e regjistrimit në KQZ të kandidatëve për kryebashkiak edhe këshilltarë bashkiak në orën 23:00 të mbrëmjes së të hënës, një orë para përfundimit të afatit zyrtar.
Erion Veliaj është regjistruar si kandidat i Aleancës për Shqipërinë Europiane për Bashkinë e Tiranës. Po sot e deleguara e Partisë Socialiste për Tiranën ka dorëzuar në Komsionin Qëndror Zgjedhor emrat e kandidatëve për bashkitë e tjera për qarkun Tiranë, Rakip Suli, Redi Krajli, Agim Kajmaku dhe Haxhi Memolla si edhe listat e kandidateve të këshillit Bashkiak perkatës.
Gazatarja e Report TV Esiona Konomi zbardh listën e këshilltarëve bashkiakë për Tiranë të regjistruar ditën e sotme.
.jpg)
.jpg)
.jpg)
Pas informacioneve se protesta e opozitës jo kuvendore do të zhvendosej pas kryeministrisë edhe në Komisionin Qendror të Zgjedhjeve, ky institucion është boshatisur. Kryetari Klement Zguri anëtarët e KQZ, por edhe gjithë administrata janë larguar, edhe pse afati ligjor për dorëzimin e dokumentacioneve për regjistrimin e kandidatëve për kryebashkiakë dhe këshilltarë për zgjedhjet vendore është deri në mesnatë.
Pranë KQZ-së ka vetëm forca policie në rast se PD dhe LSI do të tentojnë të shkojnë drejt këtij institucioni. Nga informacione jo zyrtare pranë PD-së thuhej se do të kishte një plan për të penguar bllokimin e procedurës ligjore për regjistrimin e kandidatëve. Ekskluzivisht gazetarja Konomi tha se KQZ ka hapur zyrën e protokollit në zonën e Lundrës për pranimin e dokumentacionit deri në mesnatë.
Partia Socialiste ka dorëzuar në KQZ të gjithë listat e emrave dhe këshilltarëve bashkiakë për pjesëmarrje në zgjedhjet lokale të 30 qershorit. Aktualisht PS është ligjërisht e regjistruar për pjesëmarrje në zgjedhje dhe opozita nuk mund të pengojë asnjë proces për zyrtarizimin e saj.
Në bashkinë e Shijakut, Partia Bindja Demokratike ka regjistruar si kandidat për zgjedhjet lokale të 30 qershorit Arben Pohumin.
Bindja Demokratike e drejtuar nga Astrit Patozi ka regjistruar kandidatët për dy bashki të tjera, Sabri Ibrahimi në Gramsh dhe Shkëlzen Qoka në Dibër.
Në pritje të përfundimit të afatit të KQZ-së mesditën e sotme ka dorëzuar dokumentet për të kandiduar si i pavarur në bashkinë e Beratit Plarent Aleksi. PS-ja në Berat kandidon me Ervin Demon, ndërsa deri në mbrëmje nuk përjashtohet mundësia që të ketë edhe kandidatë të tjerë.
Koalicioni “Shpresa për ndryshim” i cili kryesohet nga ‘Aleanca Kuq e Zi’ ka regjistruar sot në KQZ kandidatin e saj për kryetar bashkie për Prrenjasin. Kjo forcë politike ka propozuar Myslim Karriqin që të konkurrojë nga Aleanca Kuq e Zi pjesë e Koalicionit “Shpresa pēr Ndryshim ” në zgjedhjet e 30 Qershorit.
Ky koalicion përbëhet nga shtatë parti, dhe është i dyti i regjistruar pas “Aleancës për Shqipërinë Europiane”. Myslim Karriqi do ketë mbështetjen jo vetëm nga Partia Aleanca Kuq e Zi, por edhe nga Partia Bashkimi Liberal Demokrat;Partia Demokracia e Re Europiane;Partia Aleanca Popullore; Partia Balli Kombëtar;Partia e Emigracionit Shqiptar dhe Partia Ora e Shqipërisë, ish-aleatë të Bashës.
Myslim Karriqi është rivali i parë aktualisht që synon të sfidojë ish-deputetin e PS Nure Belba që është zyrtarisht kandidati i ASHE. Ndërkohë për të kandiduar për kryetar bashkie për bashkinë e Prrenjasit po sot ka përgatitur dhe do dorëzojë dokumentacionin edhe përfaqësuesi i Bindjes Demokratike.
Komente
Lajme të tjera
-
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
Buxheti 2025/ KQZ kërkoi 137 mln lekë për investime, qeveria i dha 1.5 mln! Celibashi: Ende s'ka dakordësi as për votimin elektronik në Tiranë
15 Nëntor, 14:54 -
Celibashi takim me Hasanin dhe Hoxhën: Koordinim i angazhimeve për realizimin e votës së diasporës
12 Nëntor, 21:34 -
Komisioni antikorrupsion/ Kreu i KQZ-së: Problem, financimi i partive! Ndryshuat Kodin por latë pa zgjidhur financimin
12 Nëntor, 18:19 -
Qeveria shton fondin për KQZ, 20 milionë lekë për përgatitjen për zgjedhjet 2025
6 Nëntor, 18:38 -
KQZ jep udhëzime për votën e emigrantëve: Mos fusni asnjë dokument në zarf veç fletës së votimit! S'duhet të ketë asnjë shënim mbi zarf
4 Nëntor, 14:50 -
Zgjedhjet 2025/ Celibashi: Po punojmë me PD-në për të mundësuar votimin elektronik në qarkun Tiranë
1 Nëntor, 21:45 -
Komisioni Rregullator/ KQZ lehtëson Kushtet për votën e Diasporës, thjeshtohet provimi i banimit në adresën jashtë vendit: Sillni ç’të keni!
1 Nëntor, 13:17
-
Vota e diasporës/ Regjistrimi në zgjedhje edhe me ID të skaduar! Nano për Report TV: Askush s’mund të regjistrojë dikë tjetër
24 Tetor, 18:12
-
Zgjedhjet 2025/ KQZ miraton rregullat për regjistrimin e zgjedhësve nga jashtë vendit dhe përgatitjen e listës së zgjedhësve
23 Tetor, 19:26 -
Vota e diasporës, dështon për herë të dytë miratimi i rregullores në KQZ! ‘Mollë sherri’ pasaportat e skaduara (VIDEO)
19 Tetor, 14:54
-
Jurgis Çyrbja dha dorëheqjen, KQZ i jep mandatin e deputetit Erjon Mekës
18 Tetor, 14:11
Erion Veliaj sukses se je djal puntor e me dipllom Amerikane. Kurse krimineli shal ngjit hsjdut s'ka as dipllom fundërrina. Z O T I ta boft drit o Erjon Veliaj.
PërgjigjuSi hyn ne zgjedhje si nuk hyne,nuk i voton njeri,qytetaret i urrejne aq shume Lulin-Monen-Meten-Berishen qe jane shkaktaret qe kerkojne destabilizimit te vendit,por nje mut te madh do marrin ne fund ate te Nokut.
Përgjigju