POP 5

Lajmet më të lexuara të 5 minutave të fundit

Politikë

Zgjedhjet vendore të 14 majit, Boçi denoncon: Punonjësve të bashkisë së Elbasanit po u ushtrohet presion që të votojnë PS-në! SPAK të hetojë

Deputeti i Partisë Demokratike, Luçiano Boçi ka denoncuar presionin që sipas tij po ushtrohet ndaj punonjësve të administratës në bashkinë e Elbasanit, dy muaj para zgjedhjeve vendore.

Zgjedhjet vendore të 14 majit, Boçi denoncon: Punonjësve të bashkisë së Elbasanit po u ushtrohet presion që të votojnë PS-në! SPAK të hetojë

Luçiano Boçi

Deputeti i Partisë Demokratike, Luçiano Boçi ka denoncuar presionin që sipas tij po ushtrohet ndaj punonjësve të administratës në bashkinë e Elbasanit, dy muaj para zgjedhjeve vendore.

Boçi i cili është edhe kandidat i Rithemelimit për bashkinë e Elbasanit në zgjedhjet e 14 majit, shkruan se shtetasi Doreidi Avllazagaj u ka kërkuar punonjësve të bashkisë që të plotësojnë një formular ku të zotohen se së bashku me të afërmit e tij, do të votojë për Partinë Socialiste.

“Imagjinoni, jemi dy muaj përpara zgjedhjeve dhe ndaj administratës së Bashkisë Elbasan dhe gjithë institucioneve në varësi të saj po ushtrohet një presion i jashtëzakonshëm. Çfarë pritet të bëjnë tjetër? Shtetasi Doreidi Avllazagaj përmes këtij formulari kërkon nga punonjësit e Bashkisë Elbasan të plotësojnë të dhënat e patronazhimit duke e detyruar vartësin apo të afërmin e tij të zotohet se do votojë Partinë Socialiste” – shkruan Boçi.

Për këtë rast, ai ka kërkuar që SPAK të nisë hetimet dhe të parandalojë krimin zgjedhor që sipas tij po bëhet në bashkinë e Elbasanit, ku të dhënat e formularit të shpërndarë mund të përdoren nga Partia Socialiste.

“Ajo që duhet të alarmojë institucionet e drejtësisë është fakti se përmes këtij formulari, PS jo vetëm po shantazhon në mënyrë të hapur punonjësit e administratës së Bashkisë Elbasan dhe punonjësit e institucioneve të tjera, por po u kërkon këtyre të fundit që ta lejojnë Partinë Socialiste që t’i përdorë lirisht këto të dhëna për zgjedhjet vendore! Kush heton krimin zgjedhor dhe ka vullnet t’a ndalojë atë, ja ku e ka! Në mes të qytetit të Elbasanit! Brenda Bashkisë Elbasan. Nxitoni, se në orën 16:00 duhen dorëzuar formularët!”- përfundoi Boçi.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46