POP 5

Lajmet më të lexuara të 5 minutave të fundit

Sociale

Zgjerohet skema e librave falas, kategoritë që përfitojnë nga vendimi i sotëm i qeverisë

Ministrja e Arsimit Besa Shahini shprehet në një postim në Facebook se vendimi i sotëm përcakton mbulimin me libra falas të gjithë nxënësve që vijnë nga situata të brishta socio-ekonomike deri në klasën e 12-të.

Zgjerohet skema e librave falas, kategoritë që përfitojnë nga vendimi i sotëm i qeverisë

Foto ilustruese

TIRANE-Qeveria në mbledhjen e sotme ka vendosur që zgjerojë skemën e ndihmës me libra falas për fëmijët. Por kush përfiton? Ministrja e Arsimit Besa Shahini shprehet në një postim në Facebook se vendimi i sotëm përcakton mbulimin me libra falas të gjithë nxënësve që vijnë nga situata të brishta socio-ekonomike deri në klasën e 12-të.

Gjithashtu Shahini thekson se kësaj skeme përfituese i shtohen të gjithë nxënësit e klasave të 6-ta dhe 7-ta duke arritur në mbi 250 mijë numrin e nxënësve përfitues, ku përfshihen të gjithë nxënësit e klasave 1-7 dhe të gjithë nxënësit e kategorive të veçanta deri në klasë të 12-të.

"Sapo u miratua në Këshillin e Ministrave propozimi i Ministria e Arsimit, Sportit dhe Rinisë për të mbuluar me libra falas të gjithë nxënësit që vijnë nga situata të brishta socio-ekonomike deri në klasën e 12-të.

Nxënësit romë dhe egjiptianë, sikurse nxënësit me aftësi të kufizuara apo nxënësit përfitues të asistencës sociale - grupe tashmë të përfshira ne skemën e librave falas - kanë një rrezikshmëri më të lartë të braktisjes së shkollës së mesme. Kjo na brengos akoma më shumë tani që gjendemi në situatë pandemie.

Por, me vendimin e sotëm, në kuadër të politikave gjithëpërfshirëse arsimore, ne do të ulim më tej koston e familjeve për shkollimin e fëmijëve të tyre dhe do të përmirësojmë më tutje qasjen e nxënësve në arsim.

Kësaj skeme përfituese i shtohen të gjithë nxënësit e klasave të 6-ta dhe 7-ta duke arritur në mbi 250 mijë numrin e nxënësve përfitues (të gjithë nxënësit e klasave 1-7 dhe të gjithë nxënësit e kategorive të veçanta deri në klasë të 12-të).

Përkundër presionit të tërmetit të 26 nëntorit dhe pandemisë COVID-19 që rëndon mbi buxhetin publik, politikat që sigurojnë gjithëpërfshirje në arsim i kemi mbrojtur dhe do t’i mbrojmë gjithmonë" tha Shahini.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

Sondazhi për zgjedhjet në Report Tv/ Rama korr 60.2% të votave në Berat, merr 6 mandate! Berisha në ‘pikiatë’, humbet 1 mandat

Sondazhi për zgjedhjet në Report Tv/ Rama korr 60.2% të votave në Berat, merr 6 mandate! Berisha në ‘pikiatë’, humbet 1 mandat

8 Janar, 21:50