Tirane- Ecuria ekonomike përgjatë nëntëmujorit të këtij viti ka rezultuar pozitive më shumë se pritshmëritë e vetë institucioneve. Teksa pritej që në fund të shtatorit, deficiti të ishte afro 34 milionë euro, pra shpenzime më shumë se të ardhura, ka ndodhur e kundërta.
Ministria e Financave thotë se gjatë kësaj periudhe janë mbledhur afro 5.2 miliardë euro ndërkohë që janë shpenzuar 4.5 miliardë euro, duke bërë që suficiti të jetë në vlerën rekord prej 700 milionë euro.
Ky zgjerim i suficitit është ndikuar si nga rritja e të ardhurave për shkak të performancës pozitive të ekonomisë, shtimit të konsumit, rritjes së pagave, bumit turistik e xhiros së rritur të bizneseve, por nga ana tjetër ndikim ka dhënë edhe mosrealizimi i shpenzimeve të planifikuara.
Referuar treguesve fiskalw të Ministrisë së Financave, nga janari në shtator nuk janë realizuar shpenzimet e parashikuara me afro 230 milionë euro, si ato korrente ashtu edhe ato kapitale që kanë të bëjnë me investimet.
“Në terma vjetorë, shpenzimet e përgjithshme për 9-mujorin e vitit 2024 u realizuan në masën 62.2 përqind të planit vjetor sipas buxhetit fillestar dhe 59.5 përqind të planit vjetor sipas Aktit Normativ nr. 3, datë 28.08.2024”, thotë Ministria e Financave.
Ndërkohë sa i takon të ardhurave ato janë rritur me 516 milionë euro ose 10.7% më shumë se vjet, ku rritja më e madhe është regjistruar tek tatimi mbi vlerën e shtuar, duke treguar për zgjerim të konsumit, dhe nga ana tjetër edhe tatimi i mbledhur nga pagat është në rritje, si rezultat i rritjes së rrogave në sektorin publik.
Gjatë këtij nëntëmujori janë 1 miliardë e 710 milionë euro janë të ardhurat doganore, dhe 1 miliardë e 700 milionë euro të ardhurat tatimore.
Deri në mbyllje të vitit pritet që të ardhurat e mbledhura të arrijnë në rreth 7.1 miliardë euro ndërsa shpenzimet në 7.7 miliardë euro.
Lajme të tjera
-
Parapagimi i tatimit nga profesionet e lira, Malaj: Brenda dhjetorit do kthehen shumat e paguara
21 Nëntor, 15:36 -
Si do shpenzohen 8.2 mld euro në vitin 2025? Ja shpërndarja e buxhetit, institucionet që marrin më shumë lekë
19 Nëntor, 19:21
-
Buxheti 2025/ Si do të shpërndahen 8 miliardë euro! Fjala e plotë e ministrit të Financave Petrit Malaj
18 Nëntor, 14:33 -
SHIFRAT/ Fitimi bruto i bizneseve vjet mbi 3.4 mld euro! ‘Trofeun’ e merr turizmi, por bizneset prodhuese më fitimprurëse
9 Nëntor, 18:27
-
‘Refuzohet minimumi jetik 200 euro i propozuar nga opozita’, Ministria e Financave: Propozimi ishte i paplotë dhe i pastudiuar!
5 Nëntor, 17:19
-
ZYRTARE/ Shtyhet rivlerësimi i pronave, do të bëhet në 2025-ën kur të caktohen çmimet e reja të referencës së pronave në të gjitha bashkitë
5 Nëntor, 13:18
-
Buxheti 8.2 mld € për vitin 2025 prezantohet në komisione, PD mungon! Malaj: Garantojmë investime, rritje ekonomike e ulje borxhi! Alibeaj: Buxhet elektoral, financon PPP jo pensionet
4 Nëntor, 10:30
-
Euro rekord të ri negativ, këmbehet me 98.2 lekë! Buxheti i shtetit ka humbur 120 mln euro këtë vit nga zhvlerësimi i valutave, rrezik edhe për 2025-ën
31 Tetor, 16:06
-
Në 2025-ën do jepen 2 mln euro grant për pushtetin vendor! Bashkitë me përformancën më të mirë do të marrin më shumë para
30 Tetor, 16:45
-
Prezantohet në Kuvend projektbuxheti 2025, nuk ka ndryshim taksash! Malaj: Presim rritje ekonomike 3.9%, ulje të borxhit publik dhe më shumë investime
30 Tetor, 14:49
-
Zhvlerësimi i valutave uli borxhin e huaj! Ministria e Financave: Në fund të shtatorit borxhi publik zbriti në 55.4% të PBB-së
30 Tetor, 11:43
-
Pr/buxheti 2025 do jetë 8.2 mld euro, 600 mln euro më shumë se ky vit! Qeveria ndan vetëm 53 mln euro për indeksimin dhe bonusin e pensionistëve
28 Tetor, 12:07
