Zguri: Konflikti do të vazhdojë gjatë, kolegët t'i thërrasin vetëdijes ligjore

Kryetari i KQZ-së Klement Zguri e ka paralajmëruar votën e tij kundër rezultatit të zgjedhjeve të 30 qershorit që para hedhjes së tij në votim. Ai tha se vota nuk është thjeshtë formale teksa shtoi se performanca e KQZ do të kthehet në standard pune në të ardhmen.

"Zgjedhjet nuk janë vetëm një moment ligjor por edhe një ngjarje politike. Brenda zgjedhjeve përfshihen të gjithë zhvillimet. Është një formalitet pasi vendimi i sotëm është shoqëruar paraprakisht me një sërë aktesh të tjera. këto zgjedhje janë shoqëruar nga një konflikt i madh politik. Besoj se konflikti do të vazhdojë edhe pas. Por ky nuk është problemi im. Problemi im është se me votën, kjo merr një rëndësi tjetër. Vota nuk kthehet thjesht formale. Problemi im është se përmes votës sonë kemi dhënë edhe një notë për sjelljen e KQZ. KQZ në këtë proces zgjedhor ndërmjet standardit ligjor dhe arbitraritetit, për fat të keq KQZ ka zgjedhur të dytën. Vota për këtë proces mbetet në dorë të KQZ. E kam të pamundur të jap një notë kaluese. Unë do të votoj kundër sepse unë dua që kjo përformancë të mos kthehet në standard pune në të ardhmen. Unë nuk bija dakord me shumicën dhe shpresoj që kolegët e mi t'i thërrasin vetëdijes ligjore", tha Zguri.

Lajmi kryesor:

KQZ shpall rezultatin final të 30 qershorit, Zguri kundër/ Biba: U vendos mes pazareve dhe kushtetutës (VIDEO)

/r.k./Shqiptarja.com

TAG:
• kqz
• zgjedhjet lokale 2019