TIRANE - Një akt i çuditshëm është raportuar ditëve të fundit nga mediet belge në lidhje me vjedhjen e disa armëve në stacionin qendror të policisë së Anderlehtit. Ngjarja, e cila mendohet se ka ndodhur në muajin e Nëntorit, ka alarmuar policinë vendase, pasi ka dyshime që armët janë zhdukur nga godina policore me porosi të shqiptarëve.

Ndonëse në media flitet se vjedhja mund të jetë e brendshme, pasi nuk rezultojnë gjurmë të personave të jashtëm, alarmi është lëshuar pas hetimeve intensive të cilat kanë hedhur dyshime se armët e vjedhura mund të jenë porosi e shqiptarëve.