Zhdukja e 3-vjeçarit në Durrës, Policia kontrolloi dhe banesën e gjyshërve

Lidhur me denoncimin e nënës 23-vjeçare në policinë e Durrësit se ka humbur fëmijën 3-vjeçar policia e Durrësit ka dalë me një njoftim. Gjyshi i fëmijës, vjehrri i 23-vjeçares është akuzuar nga nëna e fëmijës. 

'Specialistët për Hetimin e Krimeve të Komisariatit të Policisë Durrës referuan materialet në Prokurori ku nisi procedimi penal për shtetasin R. Gj., 60 vjeç, pasi më datë 13.04.2024, në këtë komisariat, është paraqitur një shtetase 23 vjeçe, banuese në Durrës, e cila ka kallëzuar se vjehrri i saj, shtetasi R. Gj., ka marrë fëmijën e saj 3 vjeç dhe nuk ia ka kthyer më.                   

Shërbimet e Policisë kanë ushtruar kontroll në banesën e shtetasit R. Gj., por nuk e kanë gjetur fëmijën. Vijojnë kontrollet intesive për gjetjen e tij.        

LEXO EDHE:
Nëntoka e Durrësit vijon të zbulojë thesare/ Dy mozaikët e gjetur tregojnë për një histori të paktën 1900 vjeçare

Për ecurinë e kërkimeve dhe të veprimeve hetimore për këtë rast do të ketë njoftime të tjera në vijim.      

Materialet procedurale i kanë kaluar Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Marrja e padrejtë e fëmijës”.', thuhet në njoftimin e policisë.

Lajmi kryesor:

Durrës/ Iu vdiq djali në aksident, gjyshërit ‘rrëmbejnë’ nipin 3 vjeç! Mamaja denoncon në polici me lot në sy: Kam 4 ditë që s'e shoh çunin! Në hetim vjehrri

G.K/Shqiptarja.com

TAG:
• Durres
• Rexhep Gjuni
• Ile Gjuni
• rrembehet 3 vjecari