TIRANE - Të shtunën në mbrëmje, në sallën e Teatrit Kombëtar të Operas dhe Baletit u luajt një nga "Zhizel" më të bukur që ka parë skena shqiptare. Petra Conti dhe Eris Nezha mahnitën publikun artëdashës shqiptar me elegancën dhe profesionalizmin e tyre. Në një nivel shumë të lartë edhe balerinët e TKOB, të cilët i dhuruan skenës një shfaqje të jashtëzakonshme.
Baleti nisi me një homazh për ikonën e muzikës Vaçe Zela, e cila u nda nga jeta pak ditë më parë. Më pas, të dy aktet e baletit Zhizel, mbajtën pa frymë sallën plot të TKOB dhe duartrokitje pa fund gjithë entuziazëm.
Petra Conti dhe Eris Nezha, balerinë të parë të Teatrit në La Scala në Milano dhe të Boston Ballet i dhurojnë publikut shqiptar dy netë në interpretimin e Zhizel: e shtuna 8 shkurt dhe e diel 9 shkurt. Petra Conti dhe Eris Nezha, çift në punë përveçse në jetë, dhanë një spektakël plot emocion, ëmbëlsi dhe perfeksion.
Petra Conti, me baba italian dhe nënë polake, u diplomua në vitin 2006 në Akademinë Kombëtare të Kërcimit në Romë me Maestro Zharko Prebil dhe pas një viti specializimi në Marijinsky të Shën Pjetërburgut si dhe një sezoni në Bavarian State Ballet të Monaco-s, debutoi në vitin 2009 në Teatrin La Scala pikërisht me rolin e Zhizel.
Eris Nezha u diplomua në Akademinë e Kërcimit në Tiranë në vitin 1997, më tej u zhvendos në Milano dhe, pas një viti formimi në Teatrin Carcano, u pranua në Shkollën e Baletit të La Scala, ku u diplomua në vitin 2002. Që nga ai moment ka marrë pjesë në shfaqje të ndryshme me trupën e baletit. Viti 2011 ka qenë viti i suksesit për të dy artistët.
Ata u zgjodhën nga drejtori Makhar Vaziev Balerinë të Parë të Teatrit La Scala gjatë turneut në Bolshoi në Moskë me baletin Ëndrra të një nate vere. Në të njëjtin vit u nderuan me çmimin “Premio Danza&Danza” si Interpretuesit më të Mirë të vitit. Pjesëmarrja e çiftit të artistëve me famë ndërkombëtare në veprën e famshme të Adolf Adam –it, që do të ngjite më 8 dhe 9 shkurt në skenë u mundësua nga Instituti Italian i Kulturës në Tiranë.
Redaksia Online
(d.d/shqiptarja.com)
Sondazhi i ditës:
Si do e drejtojë Kuvendin Elisa Spiropali krahasuar me Lindita Nikollën?
-
Më mirë
43.3%
-
Njësoj
22%
-
Më keq
34.7%
Vota total: 323
Votat totale janë unike
Lajme të tjera
-
SHBA/ Shqiptari në Majemi akuzohet se ka ngacmuar një vajzë 10 vjeçare në pishinë
31 Korrik, 22:40
-
'Albulena prita-prita'! Ilir Meta ‘shuan vapën’ në Ujëbardhën e Kurbinit, zhytet në ujë bashkë me disa të rinj (VIDEO)
31 Korrik, 22:34
-
SHBA, thirrje Venezuelës të bëjë sa më shpejt publike të dhënat e plota për zgjedhje
31 Korrik, 22:23
-
'Aktrim i dobët' para miratimit të Reformës Zgjedhore!
31 Korrik, 22:10
-
Mero Baze: Aty ku ka grekë nuk ka probleme
31 Korrik, 21:58
-
Kuvendi i Serbisë e miraton Deklaratën e “Kuvendit gjithëserb”
31 Korrik, 21:45
-
Rama ‘idhnoi’ opozitën, patriotët e ‘Detit’ dhe 'Kryqit të Artë grek’
31 Korrik, 21:18
-
Operacioni ‘Revanshi’/ Autoritetet në Dubai thonë se kanë ndaluar Marklen Hakën! Policia shqiptare i dërgon të dhënat biometrike
31 Korrik, 21:06
-
Grupi i PD-së: Jemi në një linjë me presidentin për mikrokreditë! Gjetjet t'ia dërgojë SPAK, të gatshëm për Komision të Posaçëm në Kuvend
31 Korrik, 21:02
-
Shpërthen zjarri në Romë në kodrën Monte Mario/ Flakët pranë studiove të Rai-t! Evakuohen disa banesa! U ndërpre transmetimi direkt
31 Korrik, 20:56
-
Dita e parë në detyrë përballë zjarreve/ Ministri Vëngu në fshatin Luzat të Tepelenës, shpëtohet një shtëpi nga flakët: Kemi kërkuar bashkëpunimin e banorëve
31 Korrik, 20:56
-
Veton Surroi: Akomodimi mendor me presidenten Harris
31 Korrik, 20:26