‘Zhvati naftën me ndihmën e oligarkut rus’, Idajet Beqiri: Albana Vokshi aksionere te kulla 100-katëshe! Ja përse e mbron me luftë Berishën

Avokati Idajet Beqiri i ftuar në “Studio Live” me gazetarin Arbër Hitaj në Report Tv hodhi akuza të forta ndaj deputetes së PD-së, Albana Vokshi.

Sipas Beqirit, Vokshi dhe bashkëshorti i saj janë të përfshirë në industrinë e naftës me ndihmën e oligarkut më të madh rus. Avokati shtoi se në kullën 100 katëshe në Tiranë, bashkëshorti i deputetes ka 23% të aksioneve.

“Ne notojmë në kënetë shumë të madhe krimi. Kur je në një krim të tillë edhe SPAK-u edhe strukturat e tjera e kanë jashtëzakonisht të vështirë. Kur je në një kënetë të madhe dhe pak njerëz gjen të papërfshirë, duhet të kesh forcë të madhe. Është e mpleksur Albana Vokshi, ju e shikoni çfarë lufte bën në mbështetje të Sali Berishës. Nganjëherë bëhet bishë e tërbuar në mbrojtje të non-gratës. Pse e bën? Sepse ajo dhe bashkëshorti i saj kanë marrë në dorë naftën. E mori me ndihmën e madhe financiare të oligarkut më të madh rus që është pas asaj shoqërie që na ka marrë naftën ne. Është e rastësishtme që Albana Vokshi dhe bashkëshorti i saj na dalin edhe tek kulla 100 katëshe? Ka 23% të 200 milionë eurove aty.  Si e mori atë? Si u bë 23%? E mori me ndihmën e Albanës, ndihmën e motrës së saj”- tha avokati.

LEXO EDHE:
Hetimet e SPAK mbi Kadastrën, arrestohen dy persona për ushtrim të ndikimit të paligjshëm (EMRAT)

Duke thënë se të sipërlistuarat janë arsye pse Vokshi mbron Berishën në çdo mënyrë, Beqiri tha se ish-kryeministri prishi edhe kontratën 20 vjeçare që një media kishte për truallin në Tiranë, vetëm që ky truall t’i kalonte bashkëshortit të Albana Vokshit

“Trualli tek ‘Shqipëria Sot’, ishte i një televizioni, Saliu brenda shumë pak ditëve ua prishi kontratën 20 vjeçare thjesht që t’ja jepte burrit të Albana Vokshit. Shiko sa i fortë është krimi, shiko çfarë lufte bëjmë ne. SPAK-u me 20 veta do luftojë ndaj këtyre që kanë mbrapa Serbinë, Rusinë, krimin etj”- shtoi Beqiri.

Lajmi kryesor:

Avokat Beqiri: Flamur Noka e ka pas zverkut, aferë me kartat e identitetit dhe pasaportat, SPAK të ndjekë paratë! Ka vilë 760 mijë euro në Lalëz

B.V/SI.E./Shqiptarja.com

TAG:
• Albana Vokshi
• studio live