Një takim i papritur është zhvilluar në orët e vona të së martës në selinë blu. Rreth orës 23:00, kryetari i Partisë për Drejtësi, Integrim dhe Unitet, Shpëtim Idrizi, ka mbërritur në selinë e Partisë Demokratike, në një lëvizje që ka ngjallur menjëherë interes për publikun.

Meqenëse kryetari i PD-së, Sali Berisha nuk ndodhej në seli, Idrizi është pritur nga Sekretari i Përgjithshëm i PD-së, Flamur Noka. Takimi mes tyre po zhvillohet me dyer të mbyllura, ndërsa nuk është bërë ende e ditur tema konkrete e diskutimit.

Megjithatë, gjithçka ndodh në një moment kyç për Partinë Demokratike, pasi fokusi kryesor i këtyre ditëve është finalizimi i listave të kandidatëve për deputetë për zgjedhjet e 11 majit.

Lëvizjet e minutës së fundit në kampin opozitar po shihen si apelime për paqartësitë e listës dhe pakënaqësitë.