POP 5

Lajmet më të lexuara të 5 minutave të fundit

Ekonomi

Zhvlerësimi i valutave uli të ardhurat doganore! Financat: Në 10 muaj u mblodhën në total mbi 530 mld lekë, ndikim pozitiv rritja e pagave për sektorin publik

Më shumë se 530 miliardë lekë është vlera e të ardhurave të mbledhura në 10 muaj, nga tatimet e doganat. Sipas Ministrisë së Financave arkëtimet janë rreth 54 miliardë lekë më të larta se vjet, por vihet re efekti negativ nga zhvlerësimi i valutave euro e dollar. Të ardhurat doganore që ndikohen direkt nga kursi i këmbimit janë në rënie.

Zhvlerësimi i monedhave të huaja kryesisht i euros dhe i dollarit, si dhe forcimi i lekut, pavarësisht se po kontribuojnë në mbajtjen e inflacionit në kontroll, po ndikojnë negativisht në arkën e shtetit.

Sipas të dhënave të Ministrisë së Financave nga janari në tetor të ardhurat doganore të mbledhura arritën në 179 miliardë lekë, 4.2 miliardë lekë më pak se 10 mujori 2022.

Ndikimi më i madh është dhënë reduktimi i të ardhurave që mblidhen nga TVSH-ja që paguhet për mallrat e importuara. Konkretisht në 10 muaj të ardhurat nga TVSH në import janë ulur me 8 miliardë lekë në krahasim me vjet, e në total janë arkëtuar 120.8 miliardë lekë. Po ashtu edhe arkëtimet nga akciza janë 88 milionë lekë më pak se plani i Ministrisë së Financave.

Shkaku kryesor është zhvlerësimi kryesisht i euros, pasi në momentin që çmimi i produktit konvertohet nga euro në lekë, vlera këtë vit është shumë herë më e ulët se vjet, e për pasojë edhe tatimi që paguhet është më i ulët.

Në kahun e kundërt janë të ardhurat tatimore që janë rritur me 39.7 miliardë lekë në krahasim me vjet, duke arritur në 463 miliardë lekë.

Kontributin më të madhe në këtë drejtim e ka dhënë reforma e pagave të sektorit publik, pasi janë mbledhur më shumë para nga kontributet shoqërore e shëndetësore. 17.6 miliardë lekë më shumë janë mbledhur nga kontributet, për të vijuar me 11.1 miliardë lekë më shumë nga tatimi mbi fitimin dhe 10.7 miliardë lekë plus nga tatimi i të ardhurave personale.

Ndërkohë vijon të japë kontribut pozitiv rritja e çmimeve, pasi të ardhurat nga TVSH u rritën me 8.2 miliardë lekë, ndikuar edhe nga konsumi i shtuar gjatë sezonit turistik. Në total në 10 muaj u mblodhën 530.6 miliardë Lekë rreth 54.4 miliardë lekë më shumë se vitin e kaluar.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Nika: 17/11/2023 14:15

    Qeveri kriminale, vjedh valuten e huaj qe te uli borxhin e vjedhjes masive. Ushqimet nderkoh skandaloze.

    Përgjigju
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Basir Çollaku: Zgjedhjet në degën 2 Tiranë, për Kokë të Statutit dhe

Basir Çollaku: Zgjedhjet në degën 2 Tiranë, për Kokë të Statutit dhe "koka" të tjera

12 Janar, 12:48 nga Basir Çollaku