Zhytësi profesionist Rainer Schimpf përfundon në gojën e balenës (VIDEO)

Momente tmerri ka kaluar zhytësi profesionist afrikano-jugor, 51 vjeçari Rainer Schimpf, i cili ndërsa ishte zhytur në ujrat e Port Elizabeth Harbour në Afrikën e Jugut, u gjend papritur në gojën e një balene dhe rrezikoi të gëlltitej nga bisha e detit ndërsa ajo kishte dalë për të gjuajtur.

Schimpf  po dokumentonte me grupin e tij rrugëtimin e sardeleve, kur ngjarjet morën kthesën e papritur. Ai dhe të tjerë zhytesa, ishin ndarë në dy grupe për të dokumentuar me foto e video eventin natyror, ku zogj predatorë, pinguinët, foka, delfinë, balena e peshkaqenë vijnë për të kapur sasitë e mëdha të sardeleve, kur e gjeti veten papritur brenda gojës së balenës. “Ndjeva një presion në vithe. Ishte një situatë ku nuk kishte kohë të kishe frikë por duhet të përdorja instinktin. Mbajta frymën pasi mendova se do më zhyste brenda gojës. Ishte errësirë totale. U kapa pas dhëmbëve të mëdhenj”- u shpreh Schimpf për një televizon afrikan.

Momenti kur zhytësi Rainer Schimpf përfundon në gojën e balenës

Kolegu i tij fotograf Heinz Toperczer mbajti kamerat të fiksuara dhe ndiqte i tmerruar nga barka e grupit. Por krijesa e detit e nxorri jashtë gojës zhytësin i cili mundi të notonte drejt barkës. Balenat e tipit Bryde arrijnë deri në 15 metra gjatësi dhe jetojnë zakonisht në oqeanin Indian, Atlantik e Paqësor. Ato janë në ngjyrë gri të errët dhe zhyten deri në 300 metra thellësi.

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Fredi: 09/03/2019 10:59

    Domosdo se i ka dalë perpara ne momentin e gostisë. C duan keta njerez qe nuk i lene rehat kafshët ne punen e tyre?

    Përgjigju
  • Sondazhi i ditës:

    Presidenti i ri duhet të jetë i PS apo i opozitës?



×

Lajmi i fundit

John

Jupi në 'Pa Protokoll': Gara e 'Rithemelimit' e njëanëshme! Bushati: Ka mbështetjen e bazës! Lumezi: Demokratët të bashkohen pa Bashën e Berishën