Zika kërcënon Evropën, në
Gjermani identifikohen 5 raste 

Virusi Zika është duke tronditur shëndetësinë botërore. Por, ai tashmë nuk është i përhapur vetëm në vendet e Amerikës Latine dhe Karaibeve. Sipas zyrtarëve të shëndetësisë gjermane pesë njerëz në Gjermani janë diagnostikuar me virusin Zika. Sipas studimeve të deritanishme ky virus mendohet se prek trurin e njerëzve dhe se shkaktohet nga mushkonja e quajtur "Aedes aegypti'.

Virologët gjermanë thonë se lloji i mushkonjës që mbart Zika (Aedes aegypti) nuk ekziston në Gjermani dhe se mushkonja është e përhapur nëpër Amerikën Latine dhe Karaibe, raporton BBC-ja.

Ministria e Shëndetësisë gjermane ka deklaruar se një prej pacientëve në Bavari ka kaluar disa kohë në ishullin e Martinique, në fillim të janarit dhe kjo ka qenë arsyeja që ai ka marrë virusin.

Sipas burimeve të BBC tre deri në katër milionë njerëz mund të jenë të infektuar me Zika në Amerikë gjatë këtij viti.

Shqetësimet janë ngritur në lidhje me aftësinë e Brazilit për të në mënyrë të sigurt të pritur Lojërat Olimpike të këtij viti në Rio de Janeiro. Thomas Bach, kreu i Komitetit Olimpik Ndërkombëtar, ka thënë se janë marrë hapa për të mbrojtur ngjarje. Vendi i cili është më i prekur nga Zika është Brazili me 270 raste të mikrocefalisë dhe 3448 raste duke u hetuar.