Virusi Zika po përhapet frikshëm në Kolumbi, ku rreth 5 mijë gra shtatzëna janë bartëse të këtij virusi. Sipas statistikave të Institutit Kombëtar të Shëndetit, numri i të prekurve në total është afro 32 mijë persona në Kolumbi. 

Edhe në Brazil situata paraqitet mjaft problematike, ku rreth 220 mijë specialist janë vënë në dispozicion për të mbajtur nën kontroll popullatën, duke i informuar për rreziqet që sjell virusi. Por kjo nismë është kritikuar pasi “nuk mund të reduktojë numrin e mushkonjave, apo të ndalë virusin”.
 
Brazili është në prag të një epidemie, sipas mediave vendase.
 
Deri tani janë konfirmuar 462 raste të prekurish ndërsa dyshohen edhe 3900 të tjerë.