Zjarr në Ministrinë e Brendshme

Zjarrfikeset te Ministria e Brendshme

TIRANE-Mbrëmjen e sotme ka rënë një zjarr në bodrumin e Ministrisë së Brendshme. Ngjarja është shënuar rreth orës 20:45 minuta. Burime për Shqiptarja.com pohojnë se vatra e zjarrit ka qenë afër dhomave të serverit të sistemit TIMS.

Sipas të dhënave të para u raportua se zjarri u shkaktua nga disa kabuj elektrik si pasojë e një defekti. Flakët janë shuar pas ndërhyrjes me shpejtësi të zjarrfikëses.

Policia njofton se shërbimet e Sigurisë sapo konstatuan tym ndërhynë duke shkëputur energjinë elektrike, ndërsa shton se pas verifikimeve ka rezultuar se është dëmtuar vetëm një stabilizator i energjisë elektrike.

Sipas policisë të gjitha sistemet janë funksionale dhe pa asnjë problem apo dëmtim. Ekspertët po punojnë për të përcaktuar shkaqet.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A është i mjaftueshëm shpërblimi prej 5 mijë lekësh i festave të fundvitit për pensionistët?



×

Lajmi i fundit

John

Izraeli godet zonën portuale të Latakias në Siri