Zjarr në pishat e Pogradecit, digjet një sipërfaqe e madhe! Flakët shkrumbojnë edhe pyllin e fshatit Osnat

3 vatra janë aktivizuar në pyjet dhe bimësinë e Pogradecit pranë kodrave të kalasë së qytetit.

Sipërfaqja e djegur është e konsiderueshme dhe aktualisht zjarri ka përfshirë pisha dhe shkurre.

Zjarrfikëset ndodhen në vendin e ngjarjes dhe po punojnë për vënien nën kontroll të flakëve. Paraprakisht dyshohet se zjarri është i qëllimshëm.

Ndërkohë, prej dy ditësh flakët vijojnë të djegin pyllin në fshatin Osnat. Flakët janë përhapur masavisht, ndërsa në terren janë angazhuar zjarrfikësit, punonjës të pyjores e punëtorë shërbimesh që po punojnë për shuarjen e flakëve.

Rendit zhvillimet sipas orarit:
Ora 18:33
Prej dy ditësh, flakët vijojnë të djegin pemët në pyllin e  fshatit Osnat të Pogradecit! Zjarrfikësit po punojnë për shuarjen e flakëve

 

Një vatër zjarri masive prej 2 ditësh ka përfshirë një sipërfaqe pylli në fshatin Osnat, njësia Dardhas, në zonën e quajtur Qafë Panjë në Pogradec. Prej dy ditësh punonjës të pyjores, zjarrfikës dhe punëtorë shërbimesh po punojnë për fikjen e vatrës së zjarrit. Këtë pasdite është arritur të izolohet një pjesë e tij, por vatra e zjarrit vijon të jetë aktive.

I.K./Shqiptarja.com
  • Sondazhi i ditës:

    Propozimi i PD-së, a besoni se do të bëhet vettingu i politikanëve?

Komento


×

Lajmi i fundit

John

Soreca: Shqipëria ka përmbushur kushtet, konferenca ndërqeveritare të mbahet brenda 2021! Duhet të përparoni me vettingun dhe zgjatjen e afatit të tij