Zjarret në fshatin Çeprat dhe Vlorë, banorët: U shkaktua nga një shkëndijë elektrike! Na janë djegur qindra rrënjë ullinj

 

Banorët e fshatrave Risili dhe Çeprat në Vlorë janë shprehur të shqetësuar për situatën nga zjarret në këto vende. Ata thanë se fatmirësisht u kanë shpëtuar banesat, por ju janë djegur qindra rrënjë ullinj. Sipas banorëve zjarri është shkaktuar nga një shkëndijë elektrike. Për këtë arsye kanë fikur edhe dritat në zonë.

‘Ra një shkëndijë elektrike dhe mori flakë atje. Rrezikohen edhe banesat edhe shtëpi edhe familje. Ajo zjarrfikësja nuk shuan asgjë.’- u shpreh një banor.

LEXO EDHE:
Aksident në autostradën Lushnje-Fier, Benzi përfundon në kanalin anësor

‘Rrezikojmë se thamë se do të vijë flaka këtej. Shkëndijë se çfarë ra. Ja dil në majë të bregut shiko se si është përvëluar.’- tha një tjetër.

‘Erdhi zjarri që nga Babica. Janë bërë shumë dëme. Dritat u fikën!’- u shpreh një banor.

‘Kam dy dynim ullinj,. Më janë djegur 160 rrënjë ullinj. Kalo zjarrfikësja këtu iku në Çepran! Iku çfarë do të bëjë zjarrfikësja.’-u shpreh një tjetër banor.

‘Zjarri filloi nga Babica e Madhe. Shtëpitë i shpëtuam. Na janë bërë dëme të mëdha. Shyqyr që nuk u dogjën shtëpitë. Rreziku fillon akoma. Këta bravo u qoftë erdhën në kohë rekorde.’- tha një banor.

‘Në orën 14 në fshatin Çeprat, pastaj morëm informacion në Risili pastaj në Babicë. S’ka rrezik të banesat.’- tha një tjetër.

‘Nuk pati drita, sepse ne do të kishim ndihmuar më shumë se ne kemi puse. Nuk kishte drita!’- u shpreh një banor.

Lajmi kryesor:

VIDEO/ Riaktivizohet vatra e zjarrit në Kraps të Fierit, digjen 3 banesa! Nis ndërhyrja nga ajri! Flakë edhe në Çeprat dhe Risili të Vlorës, rrezikohen banesat

M.Q./r.k./Shqiptarja.com

TAG:
• Vlore