Zjarret në sezonin e verës/ Kreu i Emergjencave Civile Çako mbledh strukturat e Qarkut Korçë

Kreu i Emergjencave Civile, Haki Çako, ditën e sotme ka zhvilluar një takim me sturkturat e Qarkut Korçës, për përgatitjen e emergjencave civile në sezonin e verës.

Natyrisht, pikë kryesore e diskutimit ishte parandalimi dhe reagimi në kohë rekord për shuarjen e zjarreve, fenomen i cili vë në presion emergjencat civile gjatë verës.

“Siç e ndoqët sapo përmbyllëm takimin e komisionit të mbrojtjes civile në qarkun e Korçës, që kryesohet nga prefekti i Qarkut. Gjej rastin të falenderoj prefektin dhe kryetarët e bashkive dhe drejtuesit e institucioneve të Korçës për seriozitetin me të cilin ata kanë vlerësuar dhe ndjekur të gjitha situatat e emergjencës në Qarkun e Korçës. Është një qark i cili funksionon shumë mirë në mekanizmin e vetë, në menaxhimin dhe rakordimin e të gjithë situatave të emergjencës, u diskutua dhe për çështje specifike, ndër to ishte dhe çështja e numrit të zjarrfikësve në bazë të Bashkive i cili, sipas kryetarit të Bashkisë së Maliqit është një numër i fiksuar standard. Duhet të diskutojmë dhe relatojmë në drejtorinë e përgjitshme të mbrojtjes nga zjarret, pranë ministrisë së Brendshme, me të cilinë ne jemi në koordinim të përhershëm, pasi është një standard i cili duhet të vlerësohet sepse bashki të ndryshme, kanë kapacitete të ndryshme, por edhe rrisje të ndryshme. Dhe mbi bazën e rrisqeve të zjarreve do të duhet të angazhojnë dhe kapacitetet e burimeve njerëzore.

Në lidhje me fondin e kushtëzuar apo ndryshe fondi i emergjencave i cili alokohet nëpërmjet fondit të përgjithshëm të emergjencave nga ministria e mbrojtje dhe agjencia kombëtare e mbrojtjes civile, është një formulë e cila buron nga ligji për Buxhetin, e përcaktuar mbi bazën e buxhetit që zë cdo bashki në përqindje”,-është shprehur Çako.

K.M/E.B/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni urdhrin për heqjen e pushimeve verore për policët?



×

Lajmi i fundit

Sundimi i ligjit, Balla: Vijon me sukses goditja e fenomenit të armëmbajtjes pa leje

Sundimi i ligjit, Balla: Vijon me sukses goditja e fenomenit të armëmbajtjes pa leje