Zjarret në vend, Basha: Rama i heq helikopterin ushtrisë, e përdor për udhëtimet e tij

Kryedemokrati Lulzim Basha, ka reguar në lidhje me zjarret që kanë përfshirë vendin ditët e fundit. Teksa shpreh mirënjohjen për punonjësit e emergjencave civile dhe forcat e ushtrisë për punën që po bëjnë për shkuarjen e zjarrit, Basha hedh akuza të drejtpërdrejta për kryeministrin Rama. Sipas tij, Rama i heq helikopterin luftës së përballjes me flakët për ta përdorur atë për udhëtimet e tij.

Ndër të tjera, Basha shkruan se vendi ynë nuk ka fonde dhe mjete për të përballuar situatat emergjente sepse shteti përdoret si instrument për individët e privilegjuar dhe jo për qytetarët.

"Mirënjohje për punonjësit e emergjencave civile dhe forcat e ushtrisë që po përballen me flakët përgjatë këtyre orëve të vështira. Pamjet që i shfaqin teksa luftojnë me mjete rrethanore janë sa pikëlluese po aq sa indinjuese kur shohim se në të njëjtën ditë, Edi Rama, i heq përballjes me zjarrin helikopterin e ushtrisë, për ta përdorur për udhëtimet e tij. Natyrisht, kërcënimi i zjarrit është i kudondodhur në rajon, por nuk ndodh askund që në një moment krize, mjetet e pakta të mpaken edhe më shumë për t’i shtuar privilegjet një individi. Kjo nuk është papërgjegjshmëri, por modeli me të cilin është keqqeverisur dhe varfëruar vendi. Prandaj nuk ka fonde dhe mjete për t’u përballur me emergjencat, qofshin zjarre apo tërmete, sepse shteti përdoret si instrument i një pakice që punon për vete, jo për qytetarët", shkruan Basha. 

LEXO EDHE:
Rama nga Gjermania: Për ne BE nuk është çështje paraje, shumë realitete e shohin si ‘bankomat’! Edhe nëse unioni ‘zhduket’ do luftojmë për integrimin

SI.E.//Shqiptarja.com

TAG:
• edi rama
• lulzim basha
• zjarret ne vend