POP 5

Lajmet më të lexuara të 5 minutave të fundit

Kronikë

Zjarri në pallatin 10 katësh në Tiranë referohet ngjarje aksidentale! Policia akoma s’ka ekspertizën për llojin e materialeve të fasadës që u dogj

Si ngjarje aksidentale e ka referuar policia zjarrin në pallatin 10 katësh në Tiranë pesë ditë më parë në zonën e ish-Nisharakut. Ndërkohë që pritet ekspertiza përfundimtare për shkakun e zjarrit dhe materialin e fasadës e cila përhapi flakët, Policia është në pritje të autorizimit për marrjen në pyetje të ndërtuesit Tanush Mëhillaj.

TIRANË- Policia referoi në prokurori dosjen penale për zjarrin që shkrumboi 4 apartamente, dëmtoi 12 të tjerë dhe shkrumboi fasadën e pallatit 10 katësh në zonën e ish-Nisharakut, për momentin, si ngjarje aksidentale. Megjithatë hetimet për të zbardhur shkaqet e ngjarjes vijojnë me kryerjen e disa ekspertizave.

Burime të policisë thanë për “Report Tv” se në ditët në vijim priten urdhërat e prokurorisë për marrjen në pyetje të personave të tjerë, përfshirë edhe ndërtuesin Tanush Mëhillaj, i cili deri në këtë fazë nuk ka dhënë deklarime.

Ndërkohë, ekspertët e zjarrfikëses vijojnë punën për të zbuluar shkakun e flakëve, dhe deri në daljen përfundimtare të ekspertizës duhen edhe disa ditë, megjithatë burime bëjnë me dije se paraprakisht dyshohet mbinxehja e kondicionerit. Ekspertët teknikë, përfshirë dhe inxhinierët po punojnë për të nxjerrë akt-ekspertimin e materialeve me të cilat është ndërtuar pallati, sidomos fasada, e cila rezultoi e djegshme dhe madje përhapi flakët si pasojë e copave që u shkëputën pas djegies duke shkaktuar zjarr në katët e mëposhtme.

Në disa intervista në Report Tv, ekspertë dhe zjarrfikës paralajmëruan se materiali i fasadës ka përzierje me nënprodukte të naftës, që kanë favorizuar zjarrin. Pesë ditë pas ngjarjes së rëndë, banorët akoma nuk lejohen të hyjnë nëpër apartamente, ndërsa godina vijon të jetë e rrethuar me shirit policie, në ruajtje 24 orë. Pjesa më e madhe e tyre janë strehuar tek të afërm dhe ende nuk kanë përgjigje se çfarë do të ndodh me fatin e pasurive të tyre.

Sistemi kundër zjarrit në pallatin 10-katësh të ndërtuar në vitin 2021, rezultoi jo funksional pas uljes së automatit të godinës, pasi nuk kishte rrjet të pavarur për furnizimin me energji elektrike. Flakët u shfaqën fillimisht në katin e 9, në anën jugore të ndërtesës, por për shkak të materialit lehtësisht të djegshëm të fasadës, në pak minuta zjarri u përhap në fasadën veriore, duke përfunduar në katin e 6-të, aty ku u shkrumbuan plotësisht disa apartamente.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Zgjedhjet në SHBA, mbyllen qendrat e para të votimit

Zgjedhjet në SHBA, mbyllen qendrat e para të votimit

6 Nëntor, 00:16