Djegia e një pallati në kompleksin e kompanisë “Arlis” në Tiranë ka lënë dhjetëra familje pa një kulm mbi kokë, e për këtë Avokati i Popullit Endri Shabani i ka kërkuar bashkisë së Tiranës që t’u gjejë strehim urgjent.

Shabani theksoi se nga një hetim paraprak i institucionit që ai drejton janë konstatuar problematike në sigurinë së godinës. Një task-forcë e ngritur menjëherë pas zjarrit, do të ketë në fokus edhe godina të tjera.

“ Zjarri i rëndë tek një kompleks, përtej aspektit penal ka një aspekt administrativ. Nga hetimi paraprak i institucionit tonë kemi vërejtur problematika administrative të sigurisë së godinës, dhe hapësira të ngushta për zjarrfikëset, zjarri i rënë zbuloi se institucionet janë të papërgatitura. I kemi bërë thirrje Bashkisë Tiranë që menjëherë të strehojë banorët përmes programeve të strehimin social", tha Shabani.

Duke prezantuar raportin e Avokatit të Popullit për vitin 2025, Shabani theksoi se numri më i madh i ankesave është për Kadastrën, por shqetësim mbetet edhe mungesa e dëmshpërblimeve për përmbytjet.

“Numrin më të lartë të ankesave institucioni ynë e merr për Kadastrën. Qytetarët presin dëmshpërblim edhe për përmbytjet e vitit 2010. Burgjet janë të mbipopulluara dhe qytetarët presin deri në 4 vite për një vendim gjyqësor”, theksoi Avokati i Popullit ndërsa ngriti shqetësimin për mënyrën e trajtimit nga policia, të të miturve që marrin pjesë në protesta.

Rendit zhvillimet sipas orarit:
Ora 10:46
Ambasadorja Huber: Parlamenti të mbështesë Avokatin e Popullit, rekomandimet të konsiderohen e miratohen

Ruth Huber, ambasadorja e Zvicrës në Shqipëri, tha në konferencën për shtyp krah Avokatit të Popullit se përmirësimi i qeverisjes dhe forcimi i institucioneve janë kyçe për demokracinë në Shqipëri. Ajo nënvizoi se Raporti i Avokatit të Popullit duhet të merret në konsideratë nga parlamenti dhe ky institucion të shihet si bashkëpunëtor. Gjithashtu u shpreh se institucionet e pavarura duhet të mbështeten.

“Konstatimet dhe rekomandimet e raportit duhen që të konsiderohen dhe miratohen. Inkurajojmë parlamentin që ta mbështesë dhe të përforcojë kuadrin ligjor. Qeveria shqiptare duhet të lëvizë nga njohja në veprim. Avokati i Popullit duhet të shihet si bashkëpunëtor. Zvicra e konsideron Avokatin e Popullit të rëndësishëm në jetën demokratike dhe duhet të bëhen kontrolle për të forcuar besimin dhe kjo është arsyeja pse i mbështesim institucionet. Grupet e margjinilizuara dhe individët janë në risk të lartë që t’u nënshtrohen pengesave. Respektimi i të drejtave të njeriut nuk është kërkesë për aderimin në BE, por është mbrojtja e të drejtave të njeriut dhe kjo kërkohet për qytetarët shqiptarë”, tha Huber.

P.J/Shqiptarja.com

Ora 10:44
Gonzato: Thelbësore rëndësia e pavarësisë institucionale, rekomandimet të mos mbeten pjesë e një strukture të shkëputur nga realiteti

Silvio Gonzato, Kreu i Delegacionit të Bashkimit Evropian në Shqipëri, tha në prezantimin e Raportit Vjetor të Avokatit të Popullit se pavarësia institucionale, besueshmëria dhe besimi publik janë thelbësore.

“Rëndësia e pavarësisë institucionale, besueshmëria dhe besimi publik janë thelbësore. Mbrojtja efektive e të drejtave themelore dhe funksionimi i duhur i mekanizmave të balancës mbeten në thelb të grupkapitullit të Themeloreve që përcakton ritmin e negociatave të anëtarësimit. Pa ndjekjen e duhur të institucioneve publike, nuk mund të kthehen në gjetje reale. Dëshiroj të theksoj që puna e mëtejshme vazhdon si pjesë e komisioneve sektoriale dhe politikëbërjen e rekomandimeve që të mos mbeten pjesë e një super strukture të shkëputur nga realiteti. I kujtoj Kuvendit përgjegjësinë që zyra e Avokatit të Popullit të ketë personelin dhe burimet e duhura”, tha Gonzato.

P.J/Shqiptarja.com

Ora 10:20
‘Numër i lartë ankesash për Kadastrën’, Raporti i Avokatit të Popullit: Shqetësues trajtimi i të miturve në protesta (VIDEO)

Disa nga gjetjet kryesore të Raportit 2025 të Avokatit të Popullit janë numri i lartë i ankesave për Kadastrën, pritjet e gjata për vendimet gjyqësore, mbipopullimi i burgjeve, përfshirja e të miturve në protesta dhe pyetja e tyre pa praninë e prindërve.

"Numrin më të lartë të ankesave institucioni ynë e merr për Kadastrën. Qytetarët presin dëmshpërblim edhe për përmbytjet e vitit 2010. Qytetarët presin mesatarisht 4 vjet për një vendim gjyqësor. Burgjet janë të mbipopulluar. Shqetësues është trajtimi i të miturve në protesta. Ata janë pyetur në komisariate pa praninë e prindërve.  Shërbimet në administratë, janë bërë më të vështira prej digjitalizimit”, tha Endrit Shabani.

P.J/Shqiptarja.com