Zjarrin në Peshtan të Fierit, nënkryetari i bashkisë për Report Tv: Situata po vihet nën kontroll, janë vatra të vogla! Nuk rrezikohen banesat

 

Në Peshtan në Fierit është riaktivizuar sërish zjarri në pyllin me pisha e dushqe, e cila ishte aktive një ditë më parë.

Ylli Skënderaj, nënkryetar i bashkisë së Fierit, i kontaktuar nga Report Tv në lidhje më situatën me zjarrin në Peshtan u shpreh se situata është vënë nën kontroll. Sipas tij janë 2 vatra zjarri, ndërsa u shpreh se shpresojnë që t’i shuajnë në mëngjes. Skënderaj tha se nuk rrezikohen banesa e shtoi se janë djegur 10-15 hektar.

‘Kemi bërë disa kufizime dhe për shkak të terrenit, aktualisht po punohet me 2 zjarrfikëse. Aktualisht në terren është shefi i emergjencave Kreshnik Imeraj. Janë 2 vatra zjarri dhe tani në këtë momente po operojmë për shuarjen e flakëve. Situatën po e mbajmë në kontroll, shpresoj më ta vëmë në kontroll deri nesër në mëngjes. Dëmi është 10-15 ha deri tani. Vlerësojmë se do ta vendosim në kontroll deri nesër në mëngjes. Nuk ka banesa në atë perimetër janë vetëm zona pishtore dhe ullinj.’- tha Skënderaj.

Lajmi kryesor:

Riaktivizohet vatra e zjarrit në pyllin me pisha në Peshtan të Fierit, era favorizon përhapjen e flakëve! Nënkryetari i bashkisë: Situata është vënë nën kontroll

M.Q./Shqiptarja.com

TAG:
• peshtan
• Fier
• zjarr
• Zjarrfikësit
• ylli skenderaj