Ambasadorja amerikane në Tiranë Juri Kim ka postuar në orët e fundit një mesazh sfidues ndaj Kinës, në vijim të një deklarate të Sekretarit Amerikan të Shtetit Blinken për të njëjtën temë. Në kushte e rrethana të tjera, një postim i tillë i zonjës Kim do të ngjante thjesht si një paralajmërim rutinë ndaj Kinës, si ato që administrata Trump ka prodhuar thuajse çdo javë në katër vitet e shkuara.
Por kur dihet se Shqipëria ndodhet këto orë në një kërkim të dëshpëruar për vaksina kundër pandemisë së Covid që e ka goditur gjithnjë e më seriozisht vendin tonë, ky postim i ambasadores ngjan si një paralajmërim i kriptuar për përpjekjet që thuhet se po bëhen këto orë nga qeveria jonë, si shumë vende të tjera evropiane, për të gjetur vaksina alternative, ndaj atyre të prodhuara në vendet perëndimore.
Juri Kim dhe SHBA kanë gjithë të drejtën e tyre të mbrojnë interesat dhe tregun e madh amerikan nga mallrat kineze, ashtu si edhe vendet e punës në SHBA, nga kostot e ulëta të prodhimit që ofron tregu gjigand kinez. Këto dhe të tjera çështje, që kanë të bëjnë edhe më sigurinë e garën e zonave të influencës në zonën e Paqësorit e më gjerë, janë normalisht në optikën dhe shqetësimin e një fuqie globale si Shtetet e Bashkuara. Në këtë përplasje gjigandësh edhe Shqipëria e vogël do të duhej të mbante pozicionin e saj modest si anëtare e NATO-s dhe aleate e SHBA.
Por nëse mesazhi i fundit i ambasadores Kim përfshin në një mënyrë a një tjetër edhe garën aktuale botërore për vaksina, ky do të ishte një gjest jo mbështetës dhe pozitiv për shqiptarët. Prej muajsh qeveria e jonë është pozicionuar fort në fokusin për të thithur dhe përdorur vetëm vaksina të prodhuara në vendet perëndimore. Ka qenë një sakrificë me kosto për jetët e shqiptareve, por që respektonte angazhimet strategjike të vendit tonë në një kontinent si Evropa dhe në një rreshtim shtetesh perëndimore që ndajnë vlera dhe aspirata të përbashkëta.
Por vetë pandemia dhe mungesa therëse e vaksinave, duket se ka shbërë shumë nga ky angazhim i Shqipërisë, duke e kthyer atë në një pozicionim të njëanshëm, që nuk gjeti përgjigjen e vendeve të BE apo edhe të SHBA. Në kushtet kur vende si Kanadaja kanë porositur pesefishin e vaksinave që ju duhen, në kushtet kur administrata e re Biden po kërkon të bllokojë daljen jashtë të vaksinave që prodhohen në tokën amerikane, apo kur vendet evropiane janë në kaos total sa i përket shpërndarjes dhe aplikimit të vaksinave në popullatat e tyre – çfarë mund të bëjë një vend i varfër dhe i dobët si Shqipëria?!
Covid 19 e vuri botën përballë sfidës së jetës. Dhe kur gjërat krahasohen me vlerën e jetës, në rastin më të mirë relativizohen. Në të dalë të dimrit, edhe në shqiptarët, që kemi marrë deri më sot tre apo katër çanta shpine me vaksina Pfizer, kemi të drejtën të shohim rrotull për zgjidhje të tjera.
Rivaliteti SHBA-Kinë nuk preket askund nga fakti nëse ne shqiptarët, ashtu si hungarezët, sllovakët, serbët, turqit apo nesër edhe gjermanët e italianët, i hapin derën vaksinave lindore. Ka vend dhe kohë plot, për ta treguar besnikërinë tonë ndaj Perëndimit. Të dalim një herë gjallë nga kjo e keqe e madhe që na ka mbyllur brenda.
Komente
Lajme të tjera
-
Zgjedhjet në SHBA/ Inteligjenca amerikane: Rusia, Kina dhe Irani synojnë përçarjen e votuesve para zgjedhjeve
22 Tetor, 22:21 -
Presidenti rus Putin pret samitin e zgjeruar të BRICS
22 Tetor, 18:52 -
Ushtria kineze bën manonvra me 153 avionë, qeveria në Tajvan: Numri më i lartë i pikasur ndonjëherë
15 Tetor, 16:20
-
Tajvan, Kina rrethon ishullin me avione dhe anije! Pekini: Paralajmërim i ashpër për Forcat e Pavarësisë! SHBA: Jemi të shqetësuar
14 Tetor, 07:54 -
Kandidatura e ambasadorit të ri amerikan në Shqipëri, David Kostelancik “ngec” në senat
28 Shtator, 07:56 -
‘Dosja Partizani’ Berisha merr në dorë fashikujt! Pikat ku mohon akuzat: Faturat për gjyqin e ‘non gratës’ mi pagoi dhëndri, Argita ia ktheu 1 muaj më pas
25 Shtator, 13:06 -
Në 500 faqe vetëm fillimi i përgjigjes nëse SHBA-të kanë apo jo fakte ndaj korrupsionit të Berishës!
17 Shtator, 09:45
-
Kina dhe Rusia me stërvitje të përbashkëta ushtarake
9 Shtator, 15:27 -
Kina arrestoi stafin e AstraZeneca për aktivitete të mundshme të paligjshme, bien me 2,8% aksionet e kompanisë në bursë
5 Shtator, 22:47 -
Prodhoi vaksinat kundër Covid-19, Kina arreston disa punonjës të AstraZeneca
5 Shtator, 21:27 -
Lufta dhe kriza, Rusia e Kina dyfishuan rezervat e arit në një dekadë, SHBA ruan podiumin! Bankat që blenë flori, shkaqet dhe lëkundja e tregjeve
27 Gusht, 11:10 -
Sekretari Blinken kritikon Kinën gjatë takimit të Azisë Juglindore
27 Korrik, 18:04
Shqiperia nuk ka pse pret me as Ameriken as Europen, behet fjale per jete njerzish jo per politike., edhe ne lufte armikun e shpeton nga vdekja kur nuk te sulmon, kina nuk ka asnj armiqesi me shqiperine,prandaj cuditem pse ajo nuk i ka afruar popullit tone 3 mln doza ( ose ne nuk e dim) qe per te s jane asgje. Politik me jete njerzish nuk behet Rama duhet te kerkoj nga te gjitha rruget, ne bem tonen Amerika dhe europa ne kete rast - jo.
PërgjigjuMendoj se deklarata e Sekretarit te Shtetit Blinken,ne administraten e re te DASH, do te kuptohet me mire ne ditet qe vijne,,,,por kjo deklarate nuk ka te beje fare-fare me zgjedhjen e vaksines Anti-Covid nga shtetet e ndryshme. Sic duket Kina po tenton te ndryshoje rendin boteror.
PërgjigjuShqiperia e deshperuar per vaksina?! Merri mbrapsht o zoteri. Sa te kemi Ramen vaksinat as nuk do kemi e as na mbarohen. Po ajo menxyra tjeter qe ka shkruar, Shqiperia e varfer dhe e dobet?! Ku jeton ti mo zoteri! Ne te varfer, me 5 kafe-bare per person, me 100 rrenje kanabis per person, e me gjithe ato biznese te pastra te drograve te forta anembane botes??? Po ca flet ore, po vetem dje e sot dhame 200 mil euro koncension. Nejse. Me sa merret vesh ku e ke hallin zotrote eshte qe meqe po shterngojme breke e dhembe per te mbijetuar ndaj kovidit, ishalla SHABA ve doren ne zemer e na con nje 2 melon vaksina per fushate. I doni para apo pas zgjedhjeve? Sidoqofte mbase deri ne prill nuk do kemi nevoje se deri atehere do e kemi kaluar te tere virusin dhe kesisoj me mire vaksinat tona tua cojne dhurate afrikes.
PërgjigjuSa mire qe e ke thene. Keta na pandehin leshko te gjitheve ne