VIDEO/Zunë parkimet publike me qëllim që t’ju merrnin pushuesve pagesat, nën hetim 4 persona në Sarandë

Sarandë, 4 persona nën hetim, zaptuan parkingjet publike dhe u merrnin lekë pushuesve.

Katër persona janë vënë nën hetim nga policia, pasi kisjhin zaptuar hapësirat publike, afër zonave bregdetare, me qëllim përdorimin e tyre për parking me pagesë nga turistët dhe vizitorët.

Njoftimi i policisë:  

Shërbimet e Komisariatit të Policisë Sarandë, në vijim të kontrolleve të ushtruara me qëllim evidentimin e rasteve të zënies së hapësirave publike në mënyrë të paligjshme, për përfitime ekonomike, kanë evidentuar 4 raste të tilla.  

Në vijim të veprimeve, nga specialistët për Hetimin e Krimeve Ekonomike dhe Financiare janë referuar materialet në Prokurori dhe ka nisur procedimi në gjendje të lirë për shtetasit:  

•A. T., 38 vjeç, A. K., 45 vjeç, Sh. A., 58 vjeç dhe F. N., 59 vjeç, banues në Sarandë. 

Nga verifikimet e kryera ka rezultuar se këta shtetas kishin zënë në mënyrë të paligjshme, hapësira publike të dedikuara për parking pa pagesë, dhe i përdornin ato në mënyrë të paligjshme, për të përfituar pagesat për parkimin e automjeteve, kryesisht nga vizitorët dhe turistët.    

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Sarandë, për veprime të mëtejshme.

Lajmi në përditësim...

M.T/r.k./Shqiptarja.com

TAG:
• sarande
• Vlore
• hapesira publike