Zv/kryeministri serb: Libia nën
presion për të njohur Kosovën

SERBI - Zëvendëskryeministri dhe ministri i Tregtisë dhe Telekomunikacionit të Serbisë, Rasim Ljajic është takuar në Tripoli me zyrtarë të Libisë, të cilët i kanë thënë se gjenden nën presion të madh të shteteve të rajonit, por edhe atyre perëndimore që të njohin pavarësinë e Kosovës.

“Ministri i Punëve të Jashtme të Libisë më ka thënë në mënyrë të hapur se gjenden para një presioni të madh të shteteve të rajonit, por edhe atyre perëndimore që të njohin pavarësinë e Kosovës”, ka thënë Ljajic, transmetojnë mediat serbe.

Në një deklaratë për shtyp nga kabineti i Ljajic thuhet se “nuk pritet që Libia brenda një periudhe të afërt ta njohë Kosovën, por për ta ndaluar një gjë të tillë duhet që Serbia të vazhdojë dialogun politik, në mënyrë që të tregojë pasojat negative që do të ketë Libia në njohjen eventuale të pavarësisë së Kosovës”.

(eç/shqiptarja.com)