Zv. Kryeministri shqiptar në Mal të Zi, Abazoviç: Ka një luftë që do të sillte paqen në Ballkan

Dritan Abazoviç

Një luftë më e fortë kundër krimit dhe korrupsionit do të zvogëlonte ndjeshëm nacionalizmin në Ballkan dhe do të sillte pajtimin dhe paqen në rajon. Ky është qëndrimi i Zv. Kryeministrit shqiptar në Mal të Zi, Dritan Abazoviç për problemet rajonale.

I ftuar në një konferencë të organizuar nga e përjavshmja britanike 'The Economist' në Shkup, Abazoviç përmendi aksionin e Malit të Zi i cili ka ndaluar në 9 muaj kontrabandën e cigareve, e cila ishte konsideruar si një "projekt shtetëror".

“Sipas disa vlerësimeve, mbi 20 përqind e të gjitha cigareve në Bashkimin Evropian dhe Britaninë e Madhe vinin nga Mali i Zi dhe përmes Portit të Tivarit. Për më tepër, udhëheqësit e klaneve më të mëdha kriminale janë arrestuar ose janë në kërkim, ndërsa strukturat e mëparshme që kishin mbështetjen e adresave të caktuara shtetërore u prishën,” tha Abazoviç.

Zv. kryeministri Abazoviç Ai tha se çdo krizë është gjithashtu një shans i ri.

“Unë besoj se vendet e Ballkanit Perëndimor duhet të kuptojnë përfundimisht se vetëm solidariteti, bashkëpunimi ekonomik, integrimi dhe mirëkuptimi i sinqertë mund të sjellin përparimin e dëshiruar. Ne duhet ta kalojmë fokusin nga temat negative, të cilat helmojnë hapësirën publike çdo ditë, në ato që janë vërtet të rëndësishme, të cilat kanë të bëjnë me ndërtimin e institucioneve të pavarura, shpërndarjen më të mirë të drejtësisë, lidhjet infrastrukturore, si dhe luftën kundër krimit të organizuar dhe korrupsionit”, tha Abazoviç.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Trnakop Kacija: 17/10/2021 07:42

    Per derisa e ka VIĆ ne fund te mbiemrit ska gje prej tij.

    Përgjigju
    • Alban: 17/10/2021 10:39

      Respect per kete djale sypatrembur inteligjent i respektuar shpresoj dhe uroj qe te ece fuqishem me idete per te ardhmen e rajonit Per mua eshte Shqipetare pavarsishte vicit ????????

  • Sondazhi i ditës:

    A mendoni se strukturat shtetërore i kanë kapacitetet për të përballuar stinën e përmbytjeve?



×

Lajmi i fundit

John

Putin: Njerëzit e vaksinuar me Sputnik nuk duhet të privohen nga e drejta për të udhëtuar