TIRANË- Zv. ministrja e Brendshme, Romina Kuko ka dhënë detaje se si do të funksionojë policia vullnetare, duke theksuar se ato nuk janë "spiunë" siç disa e kanë etiketuar. Në një konferencë të posaçme për mediat, Kuko ka sqaruar se këta policë do të marrin pjesë në ngjarje të dinamikës së përditshme në komunitet dhe për ta thjeshtësuar këtë, zv.ministrja ka dhënë një shembull konkret.
"Nëse do marrin pjesë në një ndeshje futbolli, policët vullnetarë do të jenë krah efektivëve të policisë për t'i ndihmuar ato në futjen në stadium të policëve. Në rast të një aksidenti rrugor, ai nuk do të dublojë punën e policisë, por mund të kryejnë veprimet e para si lajmërimi i policisë apo të japë ndihmën e parë. Nuk do të marrin pjesë në aktivitete masive si protesta sepse për raste të tilla ka protokolle të veçanta. Mund të kryejnë veprimet e para, është një ndihmesë dhe angazhim vullnetar për të mirën e komunitetit", u shpreh Kuko.
Ky projekt është në fillesat e tij, për këtë arsye Kuko ka deklaruar se nuk ende një datë se kur do të marrë jetë apo numrin e kandidatëve që do të pranohet, megjithatë ka theksuar se do të jetë një kuotë e caktuar që do të varet nga numri i popullësisë dhe territori ku ato do të japin një shërbim. Duke u ndalur tek kushtet, që aplikanti duhet të plotësojë, Kuko ka sqaruar se nuk duhet të jetë i përjashtuar nga radhët e policisë dhe nëse është larguar, do t'i bëhet një "vetting" mbi motivet e largimit dhe pastërtinë e figurës së tij.
Kriteret
1. Kriteret e përgjithshme të pranimit të shtetasit në shërbimin e policimit vullnetar janë, si më poshtë vijon:
a) Të jetë shtetas shqiptar;
b) Të ketë zotësi të plotë juridike për të vepruar;
c) Të mos jetë i përjashtuar nga Policia e Shtetit apo i larguar nga administrata publike;
ç) Të ketë përfunduar arsimin e mesëm;
d) Të mos jetë i dënuar me vendim gjykate të formës së prerë për kryerjen e një krimi apo kryerjen e një kundërvajtjeje penale me dashje;
dh) Të jetë i moshës nga 18 deri në 65 vjeç, në gjendje të mirë shëndetësore dhe i aftë fizikisht për të kryer detyrën.
2. Kriteret e veçanta të pranimit të shtetasit në shërbimin e policimit vullnetar janë, si më poshtë vijon:
a) Të ketë përfunduar trajnimin e detyrueshëm me vlerësim pozitiv, si dhe të jetë i certifikuar nga Akademia e Sigurisë;
b) Të jetë i pajisur me vërtetimin e besueshmërisë.
Puna që do bëjë
1. Shërbimi i policimit vullnetar funksionon në mbështetje të strukturave vendore të Policisë së Shtetit dhe bashkëpunon me këto të fundit me qëllim:
a) sigurimin dhe garantimin e rendit publik në aktivitetet me karakter masiv, si tubime, koncerte, festivale, aktivitete sportive dhe organizime fetare;
b) dhënien e ndihmës për menaxhimin e trafikut rrugor në qendrat urbane dhe rurale;
c) dhënien e ndihmës për rritjen e sigurisë publike pranë institucioneve arsimore;
ç) kontrollin e territorit, mbështetjen e patrullimit policor për parandalimin e krimit dhe ndërhyrjen ndaj shkeljeve të ligjit;
d) përballimin dhe menaxhimin e situatave të emergjencave civile, fatkeqësive natyrore, si dhe operacioneve të kërkim-shpëtimit me karakter masiv.
2. Polici vullnetar e kryen veprimtarinë e tij nën mbikëqyrjen e punonjësit të Policisë së Shtetit, i cili caktohet nga drejtuesi i strukturës vendore.
3. Kryerja e shërbimit të policimit vullnetar është i papajtueshëm me funksionet e gjyqtarit, prokurorit, përmbaruesit gjyqësor, drejtuesit në strukturat politike, punonjësit në institucionet e sigurisë kombëtare apo publike, të shërbimit të provës, të policisë së burgjeve dhe të Gardës së Republikës.
Komente
Lajme të tjera
-
Kërkesa e PD-së për qeveri teknike, PS kundër: Gjërat janë të qarta, kemi fituar me epërsi votash! Gazetari: S’i zgjidh problemet e opozitës, por opozita të dëgjohet
6 Shtator, 18:32 -
Takimi i Ramës në Athinë, Kuko: Festë e madhe e shqiptarëve, opozita akoma në autobuz! Çështja ‘Beleri’ jo çështje minoritetesh
14 Maj, 17:23 -
Protesta te Bashkia/ Romina Kuko: Kopje e shëmtuar e skenave në Kuvend, s’pranojnë dorën e bashkëpunimit! Keqardhje që politikanët e rinj ‘luftojnë’ me molotovë
7 Maj, 17:36 -
Miratohet buxheti i 2024 për Bashkinë Tiranë! Blushi i tregon prangat Veliajt, policët e nxjerrin jashtë! Kryebashkiaku: Po afrohen te zyra e PL-së, i keni me gëzof për Ilirin
22 Dhjetor 2023, 16:28 -
Grupi negociator Shqipëri- BE, largohet Romina Kuko, në vend të saj emërohet, Ilir Beqaj
26 Tetor 2023, 21:25 -
Kabineti i ri, Rama i dërgon sot Presidentit për dekretim ndryshimet në qeveri! Vijnë Mete, Koçiu, Hasani, Mazniku dhe Denaj! Ikin 5 ministre
5 Shtator 2023, 10:14 -
Asambleja e PS/ Rama ndryshon gati gjysmën e kabinetit qeveritar! Emrat e ministrave të rinj! Largohen Kushi, Xhaçka, Krifca, Bilali dhe Ekonomi
4 Shtator 2023, 18:23 -
Veliaj betohet si kryebashkiak i Tiranës: Kemi objektiva të prekshëm për 4 vitet e ardhshme! Romina Kuko zgjidhet në krye të këshillit bashkiak
20 Qershor 2023, 16:44 -
Vendoret 2023, Kuko: Më 14 maj PS tejkalon veten në 2015-n (47 bashki)! Gazetari Saliu: Në situatën ku ndodhet për opozitën sukses do ishte edhe 25 bashki
30 Dhjetor 2022, 18:06 -
Komisioni i ligjeve, miratohet marrëveshja për bashkëpunimin Shqipëri-Emirate të Bashkuara për luftën ndaj terrorizmit
13 Shtator 2022, 12:18 -
'Sherri' i Ramës me BE-në, zv. ministrja e Brendshme në '5 pyetjet': Nuk ka konflikt me Bullgarinë! Duhet të na jepnin një 'dritë jeshile'
27 Qershor 2022, 22:13 -
Kapedanët
4 Shtator 2021, 13:02
Edhe sikur te jene spiune, cfare te keqe ka..?! Se e kemi bere spiunin ne Shqiperi sikur eshte e keqja e shoqerise. E gjithe bota perendimore ka spiune te cfaredo lloj kategorie. Fale spiuneve u fitua lufta kunder nazizmit. Fale spiuneve ekonomike, bota zhvillohet ekonomikisht. Mos I damkosni kot se ka per tu rritur shume siguria nese do kete te tille ( gjithmone nese nuk abuzojne).
Përgjigjute kete uniforme si ne kohe zogu enveri
Përgjigjue para te krijohete palocia spiuni dhe policia sekrete policia antiemigrate policia politike polizgjedhore policia sabiste milicia policia plerave si ne angli
Përgjigju