POP 5

Lajmet më të lexuara të 5 minutave të fundit

Politikë

Zvarritjet në reformën në drejtësi, ndërhyn Kuvendi, PS: Kontroll ngritjes së organeve të reja

Kuvendi ashpërson masat ndaj zvarritjeve të ngritjes së institucioneve të reja të drejtësisë. Report TV siguron një dokument të Kuvendit të Shqipërisë, sipas të cilit do të ngrihet një Komision për të monitoruar zbatimin e reformës

Kuvendi i Shqipërisë ngre një Komisionin për Monitorimin e reformës në drejtësi. Ngritja e institucioneve të reja dhe plotësimi i tyre me anëtarë po ecën shumë ngadalë duke shkaktuar situata të pa precedenta, si shkrirja e Gjykatës Kushtetuese, dhe deri më tani asnjë organ shtetëror nuk monitoron zbatimin e reformës në drejtësi.

Report TV ka siguruar një dokument ku dy deputetë socialistë, Ulsi Manja dhe Klotilda Ferhati kanë depozituar në Kuvend një projektvendim, për të ngritur Komisionin e Pavarur për Koordinimin, Monitorimin dhe Ndjekjen e Zbatimit të Ligjit për Organet e Qeverisjes së Sistemit të Drejtësisë.

Vendimi pritet të miratohet me shpejtësi në parlament, dhe brenda 15 ditëve nga miratimi, Kuvendi do të mbledhë kandidaturat dhe mes tyre do të zgjedhë 5 juristë me eksperiencë mbi 15 vjet në fushën e së drejtës.

Komisioni i Monitorimit do të funksionojë pranë Kuvendit dhe do të paguhet prej tij, dhe të paktën një herë në muaj do të hartojë raporte për zbatimin e reformës në drejtësi.  

Komisioni i Pavarur do te evidentoje rastet kur institucionet përgjegjëse nuk zbatojnë ligjin brenda afatit dhe nuk kryejnë detyrat e tyre te përcaktuara, duke ia bëre me dije komisionit te përhershëm përgjegjës për çështjet ligjore, ose drejtpërdrejt Kuvendit nëpërmjet raportimit me qellim qe te mund t'i propozohet Kuvendit marrja e masave përkatëse për moszbatimin e ligjit

Pjesë nga relacioni

PDF Kërkesa e Kuvendit për ngritjen e Komisionit Hetimor (kliko që të hapet dokumenti) 

/b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Finlanda heton dëmin shkaktuar kabllove nënujore elektrike me Estoninë

Finlanda heton dëmin shkaktuar kabllove nënujore elektrike me Estoninë

25 Dhjetor, 21:59