POP 5

Lajmet më të lexuara të 5 minutave të fundit

Sociale

Zvërneci plot edhe në fundtetor, turistët e huaj vizitojnë Manastirin: Duhet të ketë ciceron, të informohemi

Dhjetëra qytetarë kanë zgjedhur të kalojnë fundjavën në Zvërnec. Turistët e huaj që vijnë për herë të parë në Zvërnec shprehen të kënaqur nga udhëtimi i tyre, njerëzit dhe gatimit por evidentojnë mungesën e ciceronit në Manastir.

Zvërneci është kthyer në një destinacion të preferuar turistik, që po vizitohet shumë nga vendas e të huaj.

Të favorizuar edhe nga temperaturat e larta, qytetarë të shumtë kanë zgjedhur të vizitojnë manastirin edhe këtë fundtetor.

Turistë nga Franca e Gjermania tregojnë se e vizitojnë për herë të parë Zvërnecin.

“Erdhëm të vizitonim Vlorën, më pas erdhëm këtu të shikojmë Manastirin dhe do ikim ne Sarande. U bënë 2 javë në Shqipëri, vij nga Franca, për herë të parë. Me pëlqeu shumë ky qytet dhe më pëlqeu shume Shqipëria”, tha një turist nga Franca.

“Është hera e parë këtu në Shqipëri. Zvërneci është vend shumë i bukur, njerëzit janë shumë të mirë, pamja është perfekte. Jam shumë e lumtur”, tha një turiste nga Gjermania.

Edhe qytetar nga Shqipëria, kanë zgjedhur të kalojnë fundjavën në Zvërnec.

“Kam ardhur një herë kur isha gocë e vogël, dhe u ktheva sot pas 50 vitesh. Ka ndryshuar shumë, është shumë bukur”, pohon një zonjë.

Një tjetër vizitor i Manastirit në Zvërnec, përveç destinacionit të bukur, ngre shqetësimin e mungesës së ciceronit.

“Ndjehet shumë mungesa e ciceronit nëpër objektet muzeale ose në objektet kulturore. Është e domosdoshme, pavarësisht kulturës individuale është e domosdoshme kultura shpjeguese”.

Turistët që vizitojnë Zvërnecin vlerësojnë përveç bukurisë së Manastirit, edhe gastronominë e pasur me shijen autentike të kuzhinës së zonës.

 

M.T/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03