POP 5

Lajmet më të lexuara të 5 minutave të fundit

Kosova & Rajoni

Zyra Administrative në veri
Beogradi: Provokim flagrant

Hapja e zyrës administrative në veri të Kosovës nga ana e qeverisë Thaci, ka ngjallur kundërshtimin e Beogradit, por që është pasuar menjëherë me përshëndetjen e këtij vendimi nga ana e ambasadorit amerikan në Prishtinë, Kristofer Dell. Sekretari shtetëror në Ministrinë serbe për Kosovën, Oliver Ivanovic, ka deklaruar se formimi i Zyrës Administrative në Mitrovicën e Veriut është një provokim dhe përpjekje për të ndryshuar gjendjen në terren në prag të dialogut Beograd-Prishtinë.

Zyra Administrative në veri<br />Beogradi: Provokim flagrant
KOSOVE- Hapja e zyrës administrative në veri të Kosovës nga ana e qeverisë Thaci, ka ngjallur kundërshtimin e Beogradit, por që është pasuar menjëherë me përshëndetjen e këtij vendimi nga ana e ambasadorit amerikan në Prishtinë, Kristofer Dell. 

Sekretari shtetëror në Ministrinë serbe për Kosovën, Oliver Ivanovic, ka deklaruar se formimi i Zyrës Administrative në Mitrovicën e Veriut është një provokim dhe përpjekje për të ndryshuar gjendjen në terren në prag të dialogut Beograd-Prishtinë. “Nuk do të ketë kurrfarë reagimi të veçantë të Qeverisë së Serbisë, jo në këtë situatë, përveç gjykimit dhe shpalljes së këtij akti si provokim flagrant që nuk ka për synim qetësimin e situatës, por, shqetësimin e banorëve serbë dhe krijimin e një situate në të cilën janë të mundshme incidentet”, ka thënë Ivanovic. 

Ndërkaq për ambasadorin e SHBA ky vendim i qeverisë demonstron edhe një herë përkushtimin e saj për mirëqenien e qytetarëve të vet pa marr parasysh përkatësinë etnike të tyre dhe përkushtimin e mëtejmë të Qeverisë së Kosovës që të vazhdojë më përmbushjen e Planit të Ahtisarit edhe pas përmbylljes së pavarësisë së mbikëqyrur në shtator të këtij viti. Ambasadori Dell, i bëri këto komente gjatë një vizite në fshatin Hocë e madhe ku ishte së bashku me zëvendëskryeministrin Sllobodan Petroviç dhe kryetarin e Rahovecit, Smajl Latifaj.

I pyetur nga gazetarët, se a do të ketë sukses formimi nga Qeveria e Kosovës i zyrës administrative në veri të Mitrovicës, Dell është shprehur optimist, duke thënë se që nga korriku i vitit 2010, kur në Mitrovicën e veriut është hapur zyra për shërbime kanë qenë më shumë se 10 mijë qytetarë nga ajo anë të cilët i kanë marrë shërbimet e tyre dhe se 8 mijë prej tyre kanë qenë serbë. 
(jd/shqiptarja.com)

  • Sondazhi i ditës:

    Pse po tërhiqen kandidatët e Partisë Demokratike?

Lajme të tjera



×

Lajmi i fundit

Raporti/ Inteligjenca artificiale 'mund të zëvendësojë 300 milionë vende pune'

Raporti/ Inteligjenca artificiale 'mund të zëvendësojë 300 milionë vende pune'

29 Mars, 08:51