Ka nisur punën Zyra e Administrimit të Parkut Kombëtar të Vjosës, një strukturë e re që do të ketë një rol thelbësor në mbrojtjen e këtij ekosistemi unik dhe të pasur me biodiversitet.

Lajmin e ka bërë të ditur kryeministri Edi Rama, duke theksuar rëndësinë jetike të kësaj zyre në garantimin e një menaxhimi të qëndrueshëm të burimeve natyrore përgjatë luginës së Vjosës.

“Respekti për mjedisin është në themel të vizionit tonë për një menaxhim të kujdesshëm, që Vjosa dhe pasuritë e saj të mbeten të gjalla edhe për brezat e ardhshëm,” u shpreh Rama.

Kryeministri theksoi gjithashtu rëndësinë e bashkëpunimit mes punonjësve të zonave të mbrojtura, vizitorëve dhe institucioneve qendrore, për të siguruar një mbrojtje të denjë për atë që e cilësoi si “mbretëresha e lumenjve të Europës”.

K.M/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera