Zyrtarë të tjerë të pandehur për
korrupsion e abuzime të tjera

Emra zyrtarësh të lartë ka në dorë organi i prokurorisë, i cili po heton një numër te konsiderueshëm zyrtarësh për korrupsion dhe shpërdorim detyre. Burime të besuara pranë organit të akuzës, kanë bërë me dije se janë duke hetuar drejtues të niveleve të ndryshme dhe se shpejti disa prej tyre do të përfundojnë edhe në pranga.

Këto burime flasin pak orë pasi Prokuroria mori të pandehur tre deputetë të Kuvendit të Shqipërisë. Astrit Veliaj, Pjerin Ndreu dhe Arben Ndoka. Këta të fundit kanë nga një javë kohë për t’u njohur me materialet hetimore. Kohë në të cilën më pas dosjet do t’i përcillen Gjykatës së Lartë e cila është kompetente për gjykimin e tyre.