Federata Suedeze e Futbollit ka vendosur të shkarkojë trajnerin Jon Dahl Tomasson pas performancës katastrofike të Suedisë në fushatën kualifikuese të Kupës së Botës 2026, e cila i ka lënë ata në fund të Grupit B me një shans shumë të vogël për t'u kualifikuar për turneun e vitit të ardhshëm nga grupet.

Humbja e dytë kundër Kosovës ishte 'pika që derdhi kupën' për Federatën Suedeze të Futbollit. Tomasson po shkarkohet pas një pike në katër ndeshje në këto kualifikuese të Kupës së Botës.

Goli i Fisnik Asllanit i dha dje Kosovës tri pikë në Suedi, ndërsa për këta të fundit është një nisje e re, që fillon me shkarkimin e trajnerit. Ish-sulmuesi danez, Tomasson, u ul në stolin e ekipit më 1 mars 2024 dhe e ka drejtuar ekipin në 18 takime, për një mesatare prej 1.61 pikësh për ndeshje.

Ky shkarkim ndodh për herë të parë në historinë e tyre, pasi Suedia kurrë më parë nuk kishin shkarkuar një trajner, por Kosova i ka lënë me pasoja.