Mesfushori Jurgen Çelhaka është futbollisti më i ri i Olimpija Ljubjanës në Slloveni. Pas tre vitesh e gjysmë në Poloni me Legian e Varshavës, 24-vjeçari ka ndryshuar skuadër duke u bashkuar si lëvizje pa kosto për sllovenët.

Ish-lojtari i Tiranës përfundoi kontratën me klubin e Legias duke kaluar me parametra zero te Ljubljana. Ai ka firmosur një kontratë të vlefshme deri në verën e vitit 2027. Olimpija Ljubljana është momentalisht në vendin e parë në kampionatin slloven dhe një nga pretendentët kryesorë për titullin kampion.

Çelhaka ka zhvilluar 11 ndeshje me Shpresat U-21 duke mbajtur edhe shiritin e kapitenit, ndërsa ende nuk i është besuar ekipi i parë nga Sylvinho. Tanimë mesfushori pritet të ketë më shumë hapësira dhe të tregojë gjithë cilësitë e tij me topin.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 3 Dhjetor, 08:56

    Çfarë mendoni për lëvizjen e Salianjit brenda PD?

Lajme të tjera