POP 5

Lajmet më të lexuara të 5 minutave të fundit

Hajdari qëndron në parlament: Jashtë PD-së? Babanë tim e përjashtuan dy herë

Deputetja e Partisë Demokratike Rudina Hajdari nuk do ta djegë mandatin e deputetit. Në një intervistë për Zërin e Amerikës, Rudina Hajdari u shpreh se do të vazhdojë të marrë pjesë në punimet e parlamentit, duke kundërshtuar vendimin e partisë së saj për të djegur mandatet parlamentare. "Unë mendoj që parlamenti i jep oksigjen demokracisë në vend, i jep oksigjen partive politike. Është vendi ku ne përfaqësojmë sovranin. Prandaj duke marrë parasysh që kjo është një përgjegjshmëri shumë e lartë, që unë ndjej mbi shpatulla, mendoj që qëndrimi në parlament do të ishte vendimi më i duhur, që do i bëja dhe shërbeja të ardhmes së Shqipërisë" deklaroi ajo. 

Ajo thotë se ka zgjedhur Shqipërinë mbi partinë, pasi nuk mund të dalë kundër SHBA-së e BE-së dhe se vendi rrezikon që të shkojë në destabilitet, ndërsa ky vendim pengon integrimin në BE. "Unë nuk mund të ndjek një vendim kolegjial që shkon kundra frymës së Kushtetutës dhe interesit. Më vjen keq nëse zhgënjej partinë, por do të zgjedh interesin e Shqipërisë". Pas intervistës Partia Demokratike, e përjashtoi nga strukturat, ashtu sikur veproi edhe me Myslim Murrizin pasi doli kundër grupit.

Por në intervistën për VOA-n, Hajdari kishte një mesazh për drejtuesit e PD-së. "Dua ti kujtoj PD-së që nuk është hera e parë që përjashton anëtarë, ka ndodhur me tim atë, dy herë dhe më duhet të theksoj se ata janë penduar. Im atë është kryetari historik i PD-së. Ai është përjashtuar dy herë nga PD dhe PD-ja është penduar. Duhet të jemi shumë të matur para se të marrim këto lloj vendimesh". Rudina Hajdari vendosi që të zyrtarizonte vendimin e saj në ditën e lindjes së të atit. Azem Hajdari do festonte sot 56-vjetorin e lindjes. Ai u vra në Tiranë më 12 shtator 1998.  

Vajza e Azem Hajdarit është e dyta që nuk pranon që të djegë mandatin, pas Myslim Murrizit, nga grupi i Partisë Demokratike. Në total nga opozita janë tre deputetët që dolën kundër grupit, pasi përpos dy nga PD-ja ishte edhe Lefter Koka nga LSI-ja. Ndërkohë që deri më tani numri i opozitarëve në parlament është 14, pasi nga listat vijuese pranuan që të marrin mandatin deri tani 11 emra, plus 3 që nuk pranuan ta djegin mandatin.

Intervista e plotë me Rudina Hajdarin

 Zonja Hajdari! Deputetët e opozitës kanë vendosur të heqin dorë nga mandati. Ju ende nuk jeni shprehur se ‘do të bëni. A keni marrë nje vendim?
 Ky është një moment i vështirë për jetën time. Këtu nuk bëhet fjalë për karrierën time politike. Jam vënë përpara një përgjegjshmërie shumë të lartë morale dhe njerëzore. Duke parë situatën e sotme, mendoj se Shqipëria është në një udhëkryq, ku nuk shihen zgjidhje as majtas as djathtas. Nga ana tjetër të gjithë jemi në gjendje të shohim se ku është e ardhmja, por e kaluara është ende mbi supet dhe në zemrat tona. Duke qenë se jemi në këtë udhëkryq unë mendoj se duhet të vendos me një përgjegjshmëri shumë të lartë morale. Nuk do të zgjedh rrugën më të lehtë dhe të siguroj karrierën time politike, por do të zgjedh një rrugë e cila ka të bëjë me të ardhmen e Shqipërisë dhe për fëmijët tanë.

Më konkretisht, a do të merrni pjesë në punimet e parlamentit, apo do ta dorëzoni edhe ju mandatin si kolegët e tjerë të deputetë të partisë demokratike?
 Vendimi im ka të bëjë me të ardhmen e Shqipërisë dhe me ecurinë e demokracisë në vend. Unë mendoj se parlamenti i jep oksigjen demokracisë në vend, u jep oksigjen partive politike, ai është vendi ku ne përfaqësojmë sovranin. Duke marrë parasysh këtë përgjegjshmëri të lartë që unë ndjej mbi shpatulla, mendoj se qëndrimi në parlament do të ishte vendimi më i duhur dhe shërbimi më i duhur që do t’i bëja të ardhmes së Shqipërisë.

Pse vendosët të ndërmerrni një vendim të tillë? Cilat janë arsyet?
Janë disa arsye komplekse besoj, mes të cilave ka arsye shumë të rëndësishme për vendin tonë. Së pari duhet të sqaroj se kur partia demkratike mori vendimin për djegien e mandateve unë nuk kam qenë e pranishme në mbledhje, nuk jam kontaktuar në asnjë lloj forme për t’u konsultuar mbi këtë vendim. Nëse do të isha në atë mbledhje, do të parashtroja dy gjëra: vendimi për të dorëzuar mandatet në mënyrë en block nga të gjithë deputetët e opozitës dëmton interesin e Shqipërisë në dy mënyra. Së pari ai dëmton proceset integruese në Bashkimin Europian dhe së dyti dëmton marrëdhëniet bilaterale me partnerët tanë strategjikë si SHBA dhe BE. Mendoj se ky vendim është marrë në mënyrë rrufe. Përvoja e jetës na tregon që kur marrim vendime pa i menduar mirë mund a paguajmë shumë shtrenjtë. Ky vendim dëmton interesat e Shqipërisë dhe mund të na çojë vendin në destabilitet. Kjo na kujton një të shkuar që na rëndon mbi supe. Shqipëria e ka provuar destabilizimin. Me destabilizim ne zerojmë çdolloj zhvillimi dhe përparimi në procesin e demokracisë. Demokracia është fituar në Shqipëri. Kanë qenë njerëz të tjerë që e kanë bërë këtë sakrificë për ne, kanë derdhur nëpër rrugët e Tiranës dhe të Shqipërisë për të nisur demokracinë në Shqipëri. Demokracia është një proces dhe ne duhet të punojmë së bashku për të përparuar Shqipërinë, për të forcuar institucionet tona dhe për të bërë të pamundurën për ta çuar Shqipërinë drejt proceseve euro-atlantike. Destabilizimi është një kthim pas, ndaj unë do të doja që Shqipëria të mos e përjetojë kurrë më këtë gjë. Do të doja që të ishim të gjithë së bashku të një mendimi që Shqipëria të mos shkojë më drejt asaj rruge. Këtë lloj politike, këtë model politike, që e ka çuar Shqipërinë në destabilizim, shqiptarët e kanë paguar shtrenjtë. Prandaj mendoj se vendimi im është ai i duhuri.

Ka patur kandidatë nga listat dhe nga Partia Demokratike që nuk i janë bindur vendimit për heqjen dorë nga mandate, dhe tani ata po cilësohen si tradhëtarë, njerëz që kanë shitur shpirtin, që janë blerë nga shumica. A druheni se të tilla akuza mund të bien dhe mbi ju?
Kjo gjë mua nuk më shqetëson absolutisht fare, sepse këto akuza vijnë nga njerëz me shpirt të ngordhur dhe që janë shpresë-shtypësit e këtij vendi. Unë nuk jam nga ata njerëz: Unë nuk e shes shpirtin tim. Në momentin që shpirti shitet nuk blihet më. Ajo që më shqetëson mua gjatë gjithë ditës është që të jem përfaqësuese e mirë e këtij populli, të jem një nënë e mirë, të jem një grua e mirë dhe të bëj të pamundurën që të ecim përpara për ta zhvilluar Shqipërinë në të gjitha fushat e mundshme. Ato epitete nuk më shqetësojnë.

Në rastin e deputetit Murrizi u shkua deri në masën e përjashtimit nga Partia Demokratike. E keni parashikuar një gjë të tillë?
 Unë dua t’i kujtoj Partisë Demokratike se kjo nuk është hera e parë që ajo përjashton deputetë apo anëtarë të saj, madje kanë ndodhur edhe në familjen time, ka ndodhur me tim atë dy herë dhe në të dy rastet ato janë penduar për këto vendime.

Azem Hajdari është kryetari i parë i Partisë Demokratike.
Po. Im atë është titulluar kryetari historik i Partisë Demokratike. Pas vdekjes së tij, ai është ttulluar kryetari i përhershëm i Partisë Demokratike. Gjatë jetës së tij Azem Hajdari është përjashtuar dy herë nga Partia Demokratike dhe për për këto vendime besoj se Partia Demokratike është penduar. Duhet të jemi shumë të matur para se të marrim këto lloj vendimesh dhe të jemi të kujdesshëm se çfarë mesazhesh ne japim me këto vendime.

Për sa i takon disiplinës brenda Partisë Demokratike, çdo deputet ka peshën e vet në vendiet e partisë. Kur marrim këto vendime kaq të rëndësishme në një mënyrë kaq të rrufeshme, duhet të jemi të përgjegjshëm se çdo deputet ka peshën e vet dhe vendim-marrjen e vet.

Ky vendim ka lidhje me Kushtetutën tonë. Unë nuk mund të ndjek dot një vendim kolegjial, që shkon kundër frymës së Kushtetutës së Shqipërisë, kundër interesit të Shqipërisë. Më vjen keq nëse unë zhgënjej partinë time në këtë mes, por unë do të zgjedh interesin e Shqipërisë mbi të gjitha.

Cili do të jetë qëndrimi juaj në parlament dhe marrëdhëniet me ata përfaqësues të opozitës që tanimë kanë hyrë apo dhe disa të tjerë që e kanë shprehur publikisht se do ndërmarrin të njëjtin veprim?
Gjërat janë akoma në ajër. Ende nuk dihet se çfarë do të ndodhë. Unë do të kem një marrëdhënie shumë normale e korrekte me kolegët, do të përpiqem të konlutohem dhe të punoj fort me intelektualët e këtij vendi, me studentët, me njerëzit, për të parë se si mund të ecim përpara. Por kjo bëhet duke përfaqësuar njerëzit brenda parlamentit, bëhet duke mos rrëzuar sistemin. Ne kemi luftuar shumë për këtë sistem. E kanë paguar të tjerë këtë çmim. Ne duhet të ecim përpara. Ne duhet të përmirësojmë sistemin aktual. Ky ka qenë gjithnjë synimi im në të gjithë angazhimet e mëparshme. Edhe kur thoja të përfshihemi me studentët, ishte që unë doja ta përmirësoja sistemin dhe jo ta rrëzoja sistemin.

 Si e shihni ju situatën politike dhe zhvillimet brenda opozitës, raportet e saj me qeverinë dhe rendin e protestave?
Partia Demokratike është një parti shumë e madhe opozitare. Anëtarësia e saj është shumë e gjerë dhe unë kam kontakt me ta. Nuk e ndjej veten time të ndarë nga ata. Tani unë po flas thjesht për këtë vendim. Të gjithë duhet të reflektojmë dhe si t’i zgjidhim këto probleme. Nuk mund të futemi ne në një mes ku nuk shohim krye se çfarë do të ndodhë. Ne nuk mund të parashikojmë dot se çfarë lloj rreziku mund t’i sjellë ky vendim Partisë Demokratike, partisë më të madhe opozitare në vend. PD po lufton për votën e lirë dhe të ndershme. Këtu edhe kam një gjë tjetër: E kam shumë të vështirë të luftoj përkrah një partie si LSI. Nuk e bëj dot sepse është një çështje parimore për mua. Po të hapësh raportet e OSBE/ ODIHR, ajo është një nga partitë që ka patur shumë probleme kur vjen fjala për këtë fenomen. Vota e lirë dhe e ndershme duhet të kërkohet nga Partia Demokratike, sepse ka rekorde jashtëzakonisht të pastra kur vjen puna për të mos e shitur votën e saj por ka vepruar në mënyrë të drejtë. Ne jemi një parti që jemi ngritur qysh herët kundër sistemit diktatorial dhe kundër së keqes në Shqipëri, ne duhet të vazhdojmë të jemi Partia Demokratike, ashtu si ishte qysh në origjinën e saj, duke përmirësuar sistemin aktual, sepse ne e kemi sjellë sistemin demokratik në Shqipëri

d.ba.
Komento

Komente

  • ke_te_drejte: 12/03/2019 03:53

    Lexoj shume komente ketu qe flasin keq edhe mire per te Atin e kesaj vajze. personalisht buk e kam pelqyer sa ishte gjalle. Kjo nuk do te thote qe edhe e bija te jete patjeter si I ati. me sa lexova mu duken pmendime dhe vendime te pjekura. uroj qe ato qe thote ti dalin nga femra dhe nga lapsi.sa per djegien e mandatit ajo ka deklaruar se eshte gati ta bej por po tja kerkoje elektorati I saj. mandatin nuk ja dha lulka dhe MUNIka. Po Filloj te kem respekt per kete vajze. Uroj mos te jete si te tjeret....perfshi ketu edhe babain e saj.

    Përgjigju
  • WELL DONE,Rudi!: 12/03/2019 01:39

    Sakte e mencur:"ne momentin qe Shpirti shitet..,aaha nuk blihet me!_S"duhet shume mend,shiko Lulin?!

    Përgjigju
  • Orli: 12/03/2019 00:00

    Rudina! Ne qofte se e ke seriozisht shkeputjen nga haleja e madhe pd e para qe duhet te besh,eshte te kerkosh hapjen e dosjes te vrasjes se babait tend!

    Përgjigju
  • Jul Cezari: 11/03/2019 22:51

    Une te pergezoj!Kam besim ne sinqeritetin tuaj,dhe nuk po ju paragjykoj!Te lumte!Kjo duhet te jete fryma e bashkepunimit,ku Atdheu dhe e Ardhmja e Femijeve vendoset ne Pjedestal!Kjo ju ben nder dhe Kryetaren de Fakto te Demokrateve!

    Përgjigju
  • Qytetari: 11/03/2019 22:45

    Sot babai yt prehet ne paqe... More hakun e babes jo me plumba por me atdhedashuri...

    Përgjigju
  • Duce: 11/03/2019 21:50

    I bie qe Rudina u thot ne heshtje nuk jam me ju se me vrate baben apo e kam gabim

    Përgjigju
  • Alfonsi: 11/03/2019 20:23

    Nje gje skuptoj,perse keta te fundit te listes( e kam per ata qe po pranojne msndatin),qenkan me pak demokrat apo te afte se ata te paret qe hapen krahun ( balliu,salianji e kompani)

    Përgjigju
  • Albanistan: 11/03/2019 20:00

    Dmth biba e papune e Fatmires, fshatares hajdute dhe e ordinerit Azem i del Bashe kullufit nga kontrolli.. Dhe kjo quhet "opozite e re" ne kete [email protected] vend. Prandaj nuk ben hajer ky vend, riciklohen bajgat ne politike

    Përgjigju
    • Mona Buzp...: 11/03/2019 23:10

      Hahaha. Fiks e ke thon.

  • xreport: 11/03/2019 19:48

    BRAVO BRAVO bej krenar nje demokrat te vertet babain tend qe ta vrau sali berisha

    Përgjigju
  • Robshi: 11/03/2019 19:35

    Je munduar dhe ke sakrifikuar shumë për atë mandat prandaj se lëshon... fundja prandaj të urojnë gjithë komentuesit rilindas se i shërben "shqiperise" duke votuar nga timoni vetëm...të fala vetingut të mamit...

    Përgjigju
  • Ardjan: 11/03/2019 19:29

    Po sot e gjete moj Rudin ta plasje kët bombē?!

    Përgjigju
  • Cimi: 11/03/2019 19:25

    Burrneshe...U tregove vendin Luleve dhe De_Monkave

    Përgjigju
  • Rudina: 11/03/2019 19:24

    BRAVO! Si ty te ishin edhe 139 te tjeret e atij Parlamenti!

    Përgjigju
  • Berti: 11/03/2019 19:05

    Kjo goditje nuk i duhej Bashes dhe Mones hahahaha

    Përgjigju
  • Sajmir Xhaka: 11/03/2019 19:02

    Laku po shtrengoket cdo dit e me shum rreth familjes berisha. Renja e tyre do the thote shpetimi i shqiperis dhe pd. berisha dhe basha kan si mbeshtetes vec ata njerz qe jan te pa edukuar dhe te pa dalur nga shqiperia. Rudina esht nje shembull per gjeneraten e re shqiptare.

    Përgjigju
  • Vlora: 11/03/2019 18:31

    Kam thene edhe me pare, dardha bie nen dardhe, trime si i ati.

    Përgjigju
  • Daku: 11/03/2019 18:29

    Hallall

    Përgjigju
  • Bubi: 11/03/2019 18:27

    Hallall se po te shkoje pas Salehut e fekaleve te qe te zhduken baben, do e kishe harrom gjakun e tij. Salplehun vetem litari e zhduk nga ky ven

    Përgjigju
  • Sokoli: 11/03/2019 18:16

    Gezohem qe qendrove ne parlament,unë kam qenë ne protesta perkrah babes tend,edhe diten e ceremonisë se varrimit,ai nuk ishte si keta te PD që janë sot prandaj dhe ju e nderume nuk je si kta,urime

    Përgjigju
  • Demokrati Vlore: 11/03/2019 18:14

    Te lumte moj vajze.. Mos u merr me bashen se ai komunist dhe na i shkaterroj partine. Pd e kan kther ne parti familje dhe jo parti e demokrateve Vazhdo perpara

    Përgjigju
  • Luani: 11/03/2019 18:02

    Vendimi i Rudinës do të thotë që SHBA ëahtë kundër bojkotit të parlamentit.

    Përgjigju
  • Populli: 11/03/2019 18:01

    BRAVO dhe respekte

    Përgjigju
    • Beni: 11/03/2019 18:34

      Na plasi per kete