Edi Martini nuk është më trajneri i Teutës në Superligë. Klubi durrsak ka një akord me Bledar Devollin, trajnerin që orët e fundit dha dorëheqjen nga Liria e Prizrenit në Kosovë.

"Klubi i futbollit Teuta njofton përfundimin e bashkëpunimit me trajnerin Edi Martini. Gjatë këtij sezoni, Martini ka dhënë kontributin e tij në drejtimin e ekipit. E falënderojmë për punën dhe përkushtimin e tij dhe i urojmë suksese në karrierën e tij të mëtejshme. Në ditët në vijim, do të zyrtarizohet trajneri i ri që do të drejtojë ekipin tonë në sfidat e ardhshme", njofton klubi durrsak.

Edi Martini u ul për herë të pestë në stolin e Teutës më 26 shtator 2023 dhe gjatë kësaj periudhe e ka drejtuar ekipin në 56 takime, me një mesatare prej 1.3 pikësh për ndeshje.

Humbja e fundit 0-2 nga Partizani fundjavën e shkuar në "Niko Dovana" ka rezultuar fatale për trajnerin shkodran që sheh të mbetet i papunë. Kjo ka qenë periudha e pestë për të në krye të stolit durrsak. Për herë të parë ai e drejtoi Teutën në sezonin 2010-11 dhe më pas në sezonet 2019-2021, 2021-22, 2022-23 dhe 2023-2025.

Emri i tij është i lidhur ngushtë me atë të Teutës, pasi në sezonin 2020-21 fitoi Superligën dhe Superkupën, ndërsa një vit më herët kishte fituar Kupën e Shqipërisë.

Martini e lë Teutën në vendin e shtatë me 23 pikë pas 21 ndeshjeve të luajtura këtë sezon në Superligë. Kujtojmë se në pak orë ky është largimi i dytë i trajnerëve nga ekipet e Superligës, pasi të hënë Tirana zyrtarizoi largimin e Gugash Maganit dhe rikthimin e Bledi Shkëmbit.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Arben: 21/01/2025 16:53

    Edin, duhet ta marre sa me pare Vllaznia, nese duan te fitojne kampionatin. Eshte super.

    Përgjigju
  • Sondazhi i ditës: 22 Shkurt, 21:11

    A duhet ta miratojë Kuvendi kërkesën e SPAK për arrestimin e Ballukut?

Lajme të tjera