Viktima është një 15-vjeçar, ndërsa i plagosur jashtë rrezikut është shoku i tij 16 vjeç. Të miturit ishin duke lëvizur me një automjet kur 15-vjeçari ka humbur kontrollin dhe ka rënë në kanal.

Të enjten Von der Leyen udhëton drejt Kosovës e Malit të Zi, ndërsa të premten vizita përmbyllet në Maqedoninë e Veriut. Në këtë turne, presidentja e KE nuk do të vizitojë Serbinë dhe Bosnje-Hercegovinën. Gjithashtu vizita e saj përfshin edhe planin e posaçëm të anëtarësimit për 4 shtete, përfshirë Shqipërinë.

Trafik i rënduar në autostradën Durrës-Tiranë, me radhë të gjata automjetesh që nisin që nga Durrësi. Hyrja në kryeqytet te Kthesa e Kamzës është bllokuar, ndërsa nga Rinasi drejt Tiranës udhëtimi zgjat minimumi 1 orë.

Dylber Selimllari u kap në flagrancë me armë zjarri në rrugën “Ndre Mjeda”. Blutë njoftojnë se sekuestruan armën e zjarrit me krehrin dhe 14 fishekë.

Gjykata e Apelit ka lehtësuar masën e sigurisë, me detyrim paraqitje për Jozefin Markun. Ai u përfshi në një episod të dhunshëm ku goditi me grushte personazhin e njohur në Kosovë Eduard Kuçin.

I moshuari gjendet i pajetë pranë Liqenit të Farkës, dyshohet se mund të jetë përplasur nga një automjet ose mund të ketë humbur jetën për shkaqe aksidentale.

Shkolla “Shyqyri Peza” në Kombinat ka marrë një pamje të re ku do të priten qindra nxënës në ambientet moderne pas rikonstruksionit nga Bashkia e Tiranës.

Ilir Topi ka dhënë dorëheqjen si drejtor i Fondit të Detyrueshëm të Kujdesit Shëndetësor dhe zëvendësohet nga Suela Popa. 

Shqipëria vijon të tërheqë turistë nga vende të ndryshme të botës, të cilët po zbulojnë dhe shijojnë gjithçka ajo ofron.

Drejtorja e festivalit, Eva Kushova, tha për kamerën e Report TV se tema e këtij viti pasqyron realitetin ku jetojmë. Sipas saj, përmes artit, festivali kërkon t’i ftojë njerëzit ta përdorin telefonin edhe për të zbuluar çfarë ndodh jashtë ekranit.

Gjashtë lokale në zona të ndryshme të Tiranës, pranë shkollave, janë zbuluar nga policia si ambiente ku viheshin baste sportive me celularë. Operacioni i koduar “Barriera” përfundoi me 8 persona të arrestuar dhe sekuestrimin e 10 pajisjeve.

Edicioni i këtij viti solli një pjesëmarrje të gjerë jo vetëm nga sportistë shqiptarë, por edhe nga vende të ndryshme të rajonit dhe Europës, përfshirë Italinë, Bullgarinë, Greqinë, Kosovën dhe vende të tjera.

Dy mjekë neurologë të Spitalit Rajonal të Shkodrës janë vënë nën hetim pas vdekjes së një pacienti 40-vjeçar, i cili kishte marrë trajtim në këtë spital dhe më pas ndërroi jetë në QSUT “Nënë Tereza” në Tiranë.